Matoshi reagon për fotografinë ku shihet duke fjetur, akuzon kolegët nga opozita që e fotografuan dhe ia dërguan portaleve

Aktorja dhe deputetja e njohur, Adriana Matoshi, është fotografuar sot (e enjte) duke fjetur gjatë seancës së Kuvendit të Kosovës.

Duke e marrë afër zemrës një moment çlodhjeje që rastësisht përfundoi në një fotografi të shkrepur nga dikush, Matoshi ka bërë një reagim publik, duke hedhur dyshime mbi burimin dhe publikimin e këtij imazhi.

Deputetja e Vetëvendosjes njëherësh aktorja e projekteve të suksesshme kinematografike vendore, ka publikuar në InstaStory një shkrim, përmes së cilës i ka fajësuar kolegët e opozitës që ia bënë fotografitë, e cila më pas përfundoi në duart e portaleve.

Lexo po ashtu Adriana Matoshin e zë gjumi në seancën e Kuvendit të Kosovës

“Të nderuar ndjekës të mi! Kolegët e opozitës nga krahu im i djathtë më shumë merren me mua se me problemet që i kanë shkaktuar vendit! Kanë kohë të bëjnë fotografi, kanë kohë të më shtantazhojnë por kurrë kohë nuk patën të punojnë për të rregulluar diçka për vendin tonë! Edhe e kam kuptuar që janë shumë të lidhura me disa por*tale e luftojnë për klikime e pastaj paratë i ndajnë bashkë! Ata kan qejf pak edhe me qenë pak IN, por kurrëqysh nuk kanë dhezur që sa vjet”, ka shkruar Adriana Matoshi në InsatStory.

Ndërkohë, e njëjta e ripublikoi gjithashtu gjatë ditës fotografinë ku ajo shihej në gjumë, teksa e shoqëroi me mbishkrimin: “Kur opozita fol e ti e dëgjon zemrën duke e ngushtuar kokën e duke të dhembë”, ka shkruar ajo.

Nuk dihet saktë nëse Adriana është njoftuar për kolegun që ia realizoi fotografinë, por duke cekur krahun “e djathtë” të saj, ajo automatikisht ka etiketuar kolegët opozitarë nga radhëte LDK-së ose të AAK-së që gjenden në të djathtë të saj. /Telegrafi/