Matheus Barbosa është motoçiklisti i tretë që humb jetën në pistën e Interlagos brenda dy vitesh

Ylli i SuperBike, Matheus Barbosa, ka vdekur pasi humbi kontrollin e motoçikletës gjatë një gare në Brazil.

23-vjeçari u filmua duke pasur vështirësi në një kthesë përpara se të dilte nga pista dhe të goditej në një pengesë metalike.

Tragjedia ndodhi të dielën në qarkun e famshëm Interlagos në periferi të Sao Paulos gjatë një ngjarjeje të SuperBike në Brazil – transmeton KP.

Vozitësi i Kawasaki, i cili ishte në pozitën e katërt në garë kur humbi kontrollin e biçikletës së tij, vdiq në vendin e ngjarjes pavarësisht vëmendjes së shpejtë mjekësore.

“Ekipi më i afërt mjekësor arriti te Matheus në më pak se 60 sekonda, por me gjithë përpjekjet e tyre, ai nuk iu përballoi plagëve të tij kritike. Shkaku i aksidentit është ende duke u hetuar”

“Për respekt ndaj Matheus dhe mbi të gjitha, familjes së tij, aktivitetet e ditës së mbetur u anuluan menjëherë. Prioriteti i organizatës në këtë kohë është të mbështesë plotësisht familjen e Matheus”, ka deklaruar një zëdhënës i SuperBike Brazil.

Barbosa është motoçiklisti i tretë që humb jetën në pistën e Interlagos në dy vitet e fundit. Në prill të vitit 2019 e humb jetën Mauricio Paludete, ndërsa një muaj pas ndodhi tragjedia tjetër, në të cilën e humbi jetën Danilo Berto.

Hoy perdió la vida Matheus Barbosa en el SBK Brasileño en la 5ta fecha del año, en el circuito de Interlagos. Impactó contra una contención y falleció. En 2019 fallecieron otros dos pilotos en el mismo escenario y luego las autoridades dieron como aptas las medidas de seguridad🤦‍♂️ pic.twitter.com/AMixpBYux3

— Claudio D. Legnani (@claulegnani) November 8, 2020