Mata e Herrera lavdërojnë Griezmannin, e ftojnë tërthorazi te Unitedi

Lojtarët e Manchester Unitedit, Juan Mata dhe Ander Herrera kanë grumbulluar lavdërime për sulmuesin e Atletico Madridit, Antoine Griezmann.

Dyshja spanjoll e Manchester Unitedit kanë folur për mediat spanjolle pas fitores në finalen e Ligës së Evropës të së mërkurës mbrëma ndaj Ajaxit dhe u pyetën për raportet që lidhnin francezin Griezmann me një transferim në Old Trafford.

“Griezmann është një lojtar i shkëlqyer, një fenomen. Ai është një yll dhe të gjitha ekipet në botë do ta duan atë”, ka thënë fillimisht Herrera për Cadena Ser.

Lexo po ashtu Griezmann flet për mundësinë e kalimit te Unitedi

“Megjithatë, Griezmann është ende një lojtar i Atletico Madrid dhe unë respektoj Atleticon dhe tifozët e tyre”, transmeton Telegrafi.

“E kam thënë atë në të kaluarën, pas Cristiano Ronaldos dhe Lionel Messit, ai është në atë grup që mund të bëhet pasardhësi i tyre i mundshëm”, përfundoi mesfushori spanjoll.

Edhe Mata gjithashtu foli për Cadena Ser pas fitimit të titullit të Ligës Premier.

Lexo po ashtu Griezmann: E lë Atleticon vetëm për NBA!

“Kur isha në shkollë një gjashtë nga 10 ishte konsideruar mirë, unë do ta merrja atë. Griezmann është një lojtar i mrekullueshëm dhe më pëlqejnë lojtarët e mëdhenj. Ai është kualitativ. Shënon shumë gola”, ka thënë fillimisht Mata.

“Unë nuk e njoh atë, por ai duket si një person i mirë kështu… Nuk e di se çfarë do të ndodhë, por sigurisht që ai më pëlqen”, përfundoi ish-mesfushori i Chelseat. /Telegrafi/