Martinelli beson se Arsenali mund t’i shënojë 4-5 gola ndaj Newcastles

Arsenali do të përballet me Newcastle United në ndeshjen e kthimit të gjysmëfinales në Carabao Cup, pasi të parën në Londër e kishin humbur me rezultat 0-2.

Gabriel Martinelli ndihet i sigurt se do të përmbysë deficitin prej dy golave ​​përpara ndeshjes së Arsenalit me Newcastle në Carabao Cup .

“Është e vështirë të luash atje [në St James’ Park]. Ata janë një skuadër vërtet e mirë, por ne kemi besim të plotë në skuadrën tonë dhe i besojmë vetes”, tha ai.

“Do të jetë një tjetër betejë atje. Ne e dimë se sa e vështirë është të luash atje. Por, siç thashë, ne kemi një ekip të mrekullueshëm dhe i besojmë vetes. Ne do të shkojmë atje për të fituar ndeshjen”.

“Ne i dimë cilësitë tona. Nuk është për shkak se humbëm 2-0 këtu në ndeshjen e fundit, ne do të shkojmë atje vetëm për të luajtur tani”.

“Ne do të shkojmë atje për të fituar ndeshjen dhe për të shënuar tre, katër, pesë. Le të shohim, loja do të jetë vërtet e vështirë, me siguri. Por ne do të bëjmë maksimumin për të fituar ndeshjen”, deklaroi sulmuesi brazilian. /Telegrafi/