Mark Zuckerberg thotë se është gati të ndeshet me Elon Musk ‘sot’ – jep përgjigje ndaj propozimit të rivalit të tij se lufta do të transmetohej drejtpërdrejt në X

Mark Zuckerberg ka thënë se ai është i përgatitur për të luftuar kundër Elon Musk dhe është vetëm duke pritur për një përgjigje nga kundërshtari i tij.

Që nga qershori, dy drejtuesit e mediave sociale kanë postuar në platformat e tyre përkatëse në lidhje me idenë e një lufte në kafaz – një propozim që duket se është nxitur fillimisht nga një përdorues i rastësishëm i Twitter (tanimë X), përcjell Telegrafi.

“Unë jam gati për një ndeshje në kafaz nëse ai është”, shkroi Musk më 20 qershor – për të cilën Zuckerberg shpejt u përgjigj: “Më dërgoni lokacionin”.

Lexo po ashtu Dyluftimi mes dy "titanëve të teknologjisë" po vjen, Musk thotë se dueli i tij me Zuckerbergun do të transmetohet në "X"

Dhe të dielën pasdite, Zuckerberg postoi në platformën e tij, Threads, duke thënë se ai është “gati sot” dhe se ai propozoi 26 gushtin për një datë lufte kur Musk e sfidoi për herë të parë.

“Unë sugjerova 26 gushtin kur ai më sfidoi për herë të parë, por ai nuk e ka konfirmuar…”, shkroi Zuckerberg.

Post by @zuck

View on Threads

Disa orë më parë, Musk kishte shkruar se lufta do të transmetohej drejtpërdrejt në X dhe se “të gjitha të ardhurat do të shkojnë për bamirësi për veteranët”.

Zuck v Musk fight will be live-streamed on ?.

All proceeds will go to charity for veterans.

— Elon Musk (@elonmusk) August 6, 2023

Por nuk duket se Zuckerberg është pajtuar me këto kushte.

“A nuk duhet të përdorim një platformë më të besueshme që mund të mbledhë para për bamirësi?”, Zuckerberg shkroi në Threads, duke iu përgjigjur propozimit të Musk për të transmetuar luftën në X.

Megjithatë, përtej postimeve në mediat sociale nga Zuckerberg dhe Musk, shenjat më formale se lufta po ndodh ende nuk janë materializuar. /Telegrafi/