Mario Dedivanoviç në zi, xhaxhai i tij ndahet nga jeta pasi humbi betejën me COVID-19

Grimeri i njohur shqiptar me famë ndërkombëtare, Mario Dedivanoviç, ditë më parë njoftoi se po dhuronte qindra maska për disa spitale në New York, përfshirë spitalin ku po trajtohej xhaxhai i tij, i cili u infektua me coronavirus.

Të enjten, ai bëri të ditur se xhaxhai i tij ndërroi jetë, si pasojë e komplikimeve nga virusi më i përhapur aktualisht në botë, COVID-19.

Mario publikoi një fotografi të xhaxhait të tij në Instagram, teksa në mbishkrimin e saj bëri të ditur për betejen e tij të humbur me sëmundjen infektive.

https://www.instagram.com/p/B_nFsZ2FzqN/?utm_source=ig_embed

“Mund të pushosh në paqe Axhi i ëmbël. Unë të dua. Sot vendosëm t’i dedikoheshim xhaxhain tim të dashur që humbi betejën e tij ndaj Covid-19. Do të më mungojë përgjithmonë”, kanë qenë fjalët e Dedivanoviç në Instagram.

Ndjekës të shumtë i kanë shprehur ngushëllime grimerit për humbjen e madhe, ndër ta edhe bashkëpunëtorja e tij më e besuar, super-ylli Kim Kardashian.

Mario përndryshe rrjedh nga një familje shqiptare me prejardhje nga Mali i Zi, teksa jetojnë prej kur ai ishte i vogël në New York të Shteteve të Bashkuara të Amerikës. /Telegrafi/