Maqedoni, shfuqizohen dënimet ligjore për rregullim të profesionit me propozim të ShGM-së

Shfuqizohen dënimet ligjore për rregullim të profesionit pas propozimit të Shoqatës së gazetarëve të Maqedonsië (ShGM). Vendimi për fshirje të ndryshimeve në nenin 61 gjatë debatit të djeshëm publik u përshëndet edhe nga kryetari i ShGM-së, Nase Selmani, i cili publikisht theksoi se është i kënaqur që është pranuar vërejtja e tij. Për këtë shkak, befason deklarata e tij e sotme ku ai sërish e akuzon Qeverinë se me ndryshimet në Ligjin për SHMAA mundohet të kontrollojë mediat, thonë nga Qeveria.

Versioni i fundit i Ligjit për Shërbime mediatike audio dhe audio-vizuale që do të hyjë në procedurë kuvendore, do të jetë rezultat i vërejtjeve dhe ankesave të të gjitha palëve. Këtë, siç kumton shërbimi për shtyp i Qeverisë, e thanë edhe ministrat Damjan Mançevski dhe Robert Popovski në debat.

Mançevski dhe Popovski, siç informon shërbimi për shtyp i Qeverisë, qartë u shprehën se pranohen vërejtjet e Selmanit dhe se ndryshimet në nenin 61 të Ligjit do të shfuqizohen. Ministrat poashtu theksuan qëndrimin se Qeveria nuk do të jetë motor i reformave në media, por vetëm do të ndihmojnë me mekanizmat që do të miratohen bashkërisht./Telegrafi/