Mancini: Shorti ka mund të jetë më i mirë, nuk e donim Portugalinë si kundërshtar – as ata Italinë

Përzgjdhësi i Italisë, Roberto Mancini, e ka pranuar se shorti ka mundur të ishte më i mirë për Azzurrët, por theksoi se ata janë të sigurt se do të luajnë në Kupën e Botës 2022.

Italia fillimisht do të luajë me Maqedoninë e Veriut në shtëpi në gjysmëfinalen e play-off-it dhe në finale do të luajnë me fituesin e ndeshjes Turqi – Portugali, jashtë vendit të tyre.

“Mund të ishte pak më mirë, kjo është e vërtetë. Është e qartë se ne dhe Portugalia duhet të mundim Maqedoninë dhe Turqinë”.

“Është një situatë, e cila gjithmonë ofron vështirësi. Ne jemi të sigurt dhe pozitivë, veçanërisht në momentet pak më të vështira”, deklaroi Mancini.

Ndeshja e parë është në shtëpi kundër Maqedonisë së Veriut dhe do të luhet në Romë.

“Ne kishim një grup të madh. Edhe ndaj Zvicrës ne e merituam të fitonim por nuk e bëmë. Ne do të duhet të luajmë një ndeshje të madhe, pastaj do të shohim në finale”.

🥁 The semi-finals are set for the European play-offs!

🎫 One team from each of the 3 paths will reach the #WorldCup 🏆 pic.twitter.com/cvkFwdzQoX

— FIFA World Cup (@FIFAWorldCup) November 26, 2021

“Portugalia? Ne do t’i kishim shmangur me kënaqësi dhe ata ndoshta do të donin të na shmangnin edhe neve. Ne do të luajmë një finale të mundshme kundër tyre”, deklaroi ai./Telegrafi/