Man Unitedi vihet pas Casemiros

Carlos Henrique Casemiro apo i njohur vetëm si Casemiro ka përfunduar në radarin e gjigantit anglez, Manchester Unitedit.

Mesfushori brazilian është njëri nga më të mirët dhe më meritorët për titujt e fituar në dy sezonet e fundit nga Real Madridi.

Paraqitjet e tij mbresëlënëse me ekipin mbretëror kanë bërë që shumë skuadra të mëdha evropiane të vihen pas shërbimeve të tij.

Lexo po ashtu UEFA zgjedh 10 golat më të mirë të sezonit në Ligën e Kampionëve (Video)

Sipas mediumit spanjoll Don Balon, Djajtë e Kuq duan transferimin e tij, pasi trajneri Jose Mourinho e sheh shumë të rëndësishëm për balancat e skuadrës së tij, teksa mendon t’i ofrojë pagë të njëjtë sa të yllit francez, Paul Pogba.

Megjithatë, Casemiro vështirë se pranon të largohet nga Santiago Bernabeu, pasi është titullar i rregullt i skuadrës së Zinedine Zidanes dhe pjesë e rëndësishme e projektit afatgjatë të klubit.

Gjithashtu mesfushori brazilian është shumë i lumtur në Madrid dhe nuk dëshiron të largohet, megjithëse është i vetëdijshëm se skuadrat tjera mund t’i ofrojnë një pagë më të mirë se Reali.

Lexo po ashtu Busquets zgjedh pesë më të mirët në pozitën e tij, emra befasues në listën e tij

Për Casemiron interesant të madh më herët kishte shprehur edhe gjiganti francez, Paris Saint-Germain, që u munduan ta joshin me një pagë të lart për ta transferuar atë në afatin që shkoi.

Thuhet se braziliani ishte propozim i bashkëkombësit të tij, Neymar, por ky propozim ishte hedhur poshtë nga drejtuesit e Los Blancos. /Telegrafi/