Man City vazhdon formën e mirë para rikthimit të Ligës së Kampionëve, mposht Bournemouthin

Manchester City ka fituar me rezultat 2-1 ndaj Bournemouthit në ndeshjen e vlefshme për javën e 36-të në Ligën Premier.

Ekipi i Pep Guardiolas ka vazhduar me formë të mirë dhe mbajtjen e moralit lartë para rikthimit të Ligës së Kampionëve dhe ndeshjes kthyese me Real Madridin.

Pjesa e parë e ndeshjes u karakterizua me lojë të hapur dhe raste nga të dyja skuadrat, por ishin vetëm vendasit që arritën ta tundin rrjetën dy herë.

Goli i parë i ndeshjes erdhi pas vetëm gjashtë minutave lojë dhe ishte David Silva, i cili shënoi një supergol nga goditja e dënimit për epërsinë 1-0.

Në minutën e 39-të në skenë doli sulmuesi Gabriel Jesus, i cili gjithashtu shënoi një gol të bukur dhe qoi ekipin e tij në pushim me rezultat 2-0.

HALF-TIME | Two superb goals see us lead as we head into the break ⚽️⚽️

🔵 2-0 🍒 #ManCity pic.twitter.com/hLEbCE5Wpj

— Manchester City (@ManCity) July 15, 2020

Në pjesën e dytë, u zhvillua lojë e barabartë, me Bournemouthin që kërkonte golin, ndërsa Cityn që menaxhonte rezultatin dhe lojën.

Rasti më i mirë në këtë pjesë ishte ai i minutës së 59-të kur mysafirët gjeten golin me anë të Joshua King, por ky gol u anulua nga VAR-i.

Megjithatë, mysafirët arrijnë të shënojnë në minutën e 89-të me anët të David Brooks, i cili vulosi rezultatin përfundimtar 2-1.

FULL-TIME | Stunning goals from @21LVA and @gabrieljesus9 seal the points for us here at the Etihad! ⚽️⚽️

🔵 2-1 🍒 #ManCity pic.twitter.com/ovEMwwMgyD

— Manchester City (@ManCity) July 15, 2020

Pas kësaj fitore, City ka 75 pikë në vendin e dytë, ndërsa Bournemouth ka 35 pikë në vendin e 18-të.

Në ndeshjen e radhës, Qytetarët luajnë në udhëtim te Watfordi, teksa Bournemouth e pret në shtëpi Southamptonin. /Telegrafi/

https://twitter.com/AdemolaVictor/status/1283448167065964552

https://twitter.com/OnlyFootballCl1/status/1283457434904911874

https://twitter.com/AdemolaVictor/status/1283473703465099266