Man City ka një ‘marrëveshje sekrete’ për transferimin sensacional të yllit italian në verë

Manchester City raportohet se ka arritur një ‘marrëveshje sekrete’ për transferimin e një lojtari gjatë verës. 

Pas një serie të dobët rezultatesh që la Cityn mbrapa emrave si Liverpool dhe Arsenal në Ligën Premier, kampioni në fuqi i Anglisë u detyrua të ndërhyjë gjatë afatit kalimtar të janarit për të bërë përforcime. 

Emra si Vitor Reis, Abdukodir Khusanov, Omar Marmoush dhe Nico Gonzalez, që të gjithë u transferuan në ‘Etihad’ muajin e kaluar. 

Ishte raportuar po ashtu se City ka qenë i interesuar edhe për Andrea Cambiaso (Juventus), por transferimi i tij dështoi pasi klubi vendosi të shpenzojë në pozita të tjera. 

Tani, është bërë me dije se City dhe Juventusi kanë një marrëveshje sekrete për italianin. 

Siç ka raportuar TuttoSport, City dhe Juventusi kanë arritur marrëveshje për shumën e 50 milionë eurove, por transferimi nuk ndodhi pasi kampioni anglez e shpenzoi buxhetin e tyre diku tjetër. 

Lexo po ashtu Man City publikon listën e re për Ligën e Kampionëve – shton tri transferimet e reja, përshihet edhe Rodri

Sidoqoftë, është bërë me dije se ‘Qytetarët’ janë të etur për transferimin e Cambiasos sapo të hapet afati kalimtar i verës. 

Pep Guardiola po kërkon një zëvendësues afatgjatë të Kyle Walker i cili iu bashkua Milanit në janar dhe Cambiaso duket se është i përzgjedhuri nga tekniku spanjoll./Telegrafi/