Man City fiton ndaj Fulhamit dhe vazhdon ngjitjen në tabelë

Manchester City ka fituar me rezultat 2-0 ndaj Fulhamit në ndeshjen e vlefshme për javën e 11-të në Ligën Premier.

Ekipi i Pep Guardiolas ka filluar ta gjej formën në kampionat, duke marrë edhe një fitore dhe duke vazhduar ngjitjen drejt kreut të tabelës.

Pjesa e parë e ndeshjes u karakterizua me lojë më të mirë dhe dominim të vendasve, të cilët përveç rasteve arritën të shënojnë edhe dy gola.

Goli i parë i ndeshjes erdhi pas vetëm pesë minutave lojë dhe ishte Raheem Sterling, i cili shënoi për 1-0 pas asistimit të Kevin de Bruyne.

Për epërsinë 2-0 u përkujdes vet belgu De Bruyne, i cili ishte i saktë nga penalltia në minutën e 26-të.

HALF-TIME | Ahead at the break thanks to @sterling7's opener and a penalty from @DeBruyneKev! 👌

🔷 2-0 ⚪️ #ManCity | https://t.co/axa0klD5re pic.twitter.com/YP3hahSlM1

— Manchester City (@ManCity) December 5, 2020

Në pjesën e dytë, u zhvillua lojë më e barabartë, me Cityn që menaxhonte lojën dhe rezultatin, ndërsa Fulhami që tentonte të gjente golin.

Megjithatë, asnjëra skuadër nuk arriti të tund rrjetën përkundër disa rasteve dhe ndeshja përfundoi në fund me fitoren 2-0 të vendasve.

FULL-TIME | A win to mark Pep's 700th game in management!

3️⃣ points
2️⃣ goals
❌ clean sheet

🔷 2-0 ⚪️ #ManCity | https://t.co/axa0klD5re pic.twitter.com/8TLgHEJSBg

— Manchester City (@ManCity) December 5, 2020

Pas kësaj fitore, City e sheh veten në pozitën e katërt me 18 pikë, ndërsa Fulhami renditet në vendin e 17-të me shtatë pikë.

Në ndeshjen e radhës, Qytetarët udhëtojnë te rivalët lokal të Manchester Unitedit, ndërsa londinezët e presin Liverpoolin. /Telegrafi/

https://twitter.com/KDBReport/status/1335240694978514946

https://twitter.com/KDBReport/status/1335245519057281034