Makinat fluturuese – Hyundai dhe General Motors, ambiciozë për zhvillimin e shërbimit të taksive ajrore deri në vitin 2025

Hyundai Motor CO dhe General Motors Co kanë deklaruar të hënën se po punojnë përpara për zhvillimin e makinave fluturuese, me kompaninë e Koresë së Jugut që shpreh optimizëm se mund të ketë një shërbim taksi ajror në veprim sa më shpejt të jetë e mundur në vitin 2025.

Sipas medieve të huaja, përcjell Telegrafi, një ekzekutiv i General Motors tha se mund të duhen deri në vitin 2030 që shërbimet e taksive ajrore të kapërcejnë pengesat teknike dhe rregullatore dhe të arrijnë në komercializëm.

Avionët me emisione zero, të cilat ngrihen dhe ulen si helikopterë dhe bartin pasagjerë dhe ngarkesa janë duke u zhvilluar nga një numër i kompanive startup si dhe prodhues avionësh dhe prodhues automjetesh, por ata përballen me një rrugë të gjatë drejt përfitimit.

Hyundai është përpara orarit të saj të deklaruar më parë për lansimin e automjeteve të lëvizshmërisë ajrore, tha Jose Munoz, zyrtari kryesor operativ, global i kompanisë.

Munoz, i cili është gjithashtu shefi ekzekutiv i Hyundai North America, më parë tha se taksitë urban ajror do të ishin në veprim në aeroportet kryesore të SHBA-së deri në vitin 2028 dhe ndoshta më herët. Ai i tha Reuters të hënën se kjo mund të ndodhë para vitit 2025. /Telegrafi/