Lukaku shpërthen ndaj gazetës italiane pasi këta të fundit vendosën një titull racist: Gjëja më idiote që e kamë parë

Corriere dello Sport sot vendosi të dalë me një ballinë për derbin e së premtes që do të zhvillohet mes Interit dhe Romës.

Gazeta e madhe italiane kishte vendosur titullin ‘Blck Friday’ ose ‘E premtja e zezë’, duke vendosur në foto kryesore Romelu Lukakun e Interit dhe Chris Smallingun e Romës.

Ballina e ‘Corriere dello Sport’ ka ngjallur reagime të shumta në Itali, ku fillimisht kishin reaguar dy klubet Roma dhe Inter.

Por tani ka ardhur reagimi edhe nga sulmuesi belg i Interit, Romelu Lukaku.

Numri nëntë i Neroazzurëve ka thënë se ajo që ka bërë gazeta italiane është gjëja më idiote që ka parë ndonjëherë.

“Në vend që të përqendroheni te përballja mes dy skuadrave, ‘Corriere dello Sport’ del me një nga titujt më idiotë që kamë parë në karrierën time. Ju djema, vetëm shtoni negativitet dhe racizëm në vend që të flisni për ndeshjen e bukur që do të luhet midis këtyre dy skuadrave në ‘San Siro’”.

“Ju djemtë e ‘Corriere dello Sport’ duhet të bëni diçka më të mirë se kaq. Faleminderit të gjithë tifozëve dhe gazetarëve për mbështetjen e dhënë dhe le të presim ndeshjen e nesërme”, ka shkruar Lukaku.

Ky shkrim nga Lukaku është pëlqyer jashtëzakonisht shumë dhe belgu është përkrahur nga tifozët e futbollit dhe futbollistë tjerë që e kanë mbështetur atë. /Telegrafi/