Luana Vjollca zbulon se po punon në një projekt dedikuar grave që ende përballen me lirinë e shprehjes

Moderatorja dhe këngëtarja shqiptare, Luana Vjollca, prej kohësh ka bërë një tërheqje nga ekrani e po ashtu edhe nga projektet muzikore.

Ajo njoftoi muaj më parë se është larguar nga Top Channel pas 15 vitesh, por që nga ajo nuk ka qenë prezent me ndonjë format apo televizion tjetër.

E njëjta së fundmi ka pozuar për revistën e njohur arabe “Ounousa”, për të cilën ka rrëfyer disa detaje nga ajo që do të sjellë në vijim.

Në një pjesë të thënë në intervistë, e që është shkëputur nga fansat, biondja thotë se po punon në një projekt që i dedikohet grave.

Lexo po ashtu Luana Vjollca pozon për revistën e njohur arabe “Ounousa”

“Theksova se tani jam duke punuar në një projekt të dedikuar për të ndihmuar gratë dhe kam filluar të përgatitem për të një vit më parë”, tha ajo.

“Nuk mund të zbuloj ende më shumë detaje, por mund të njoftoj se është një projekt i krijuar për të përcjell klithmat e grave që ende përballen me shtypjen në lirinë e shprehjes”, vazhdon më tej prezantuesja.

Sido që të jetë, do të mbetet të shihet në vijim se për çfarë saktësisht bëhet fjalë në këtë projekt. /Telegrafi/

View this post on Instagram

A post shared by LUANA VJOLLCA (@luanavjollca)