Julen Lopetegui ka publikuar listën me 29 futbollistë të ftuar për ndeshjen e Superkupës së Evropës.
Real Madridi, si fitues i Ligës së Kampionëve do të ndeshet në Superkupën e Evropës, me fituesin e Ligës së Evropës, Atletico Madridin.
Kjo ndeshje do të zhvillohet më datë 15 gusht (e mërkurë) me fillim nga ora 21:00 në stadiumin A. Le Coq Arena të Tallinit në Estoni.
Mbretërit i kanë bërë përgatitjet e fundit për këtë ndeshje të madhe që luhet për trofeun e parë sezonal.
Trajneri Lopetegui tashmë ka publikuar listën e futbollistëve të ftuar, ku 29 prej tyre janë pjesë e saj.
Julen Lopetegui (Getty Images)
Edhe përkundër zërave të shumtë rreth të ardhmes së tij, mesfushori kroat, Luka Modric është ftuar për këtë ndeshje, ndërsa befasi tjera nuk ka.
Në listë janë edhe transferimet e reja të verës, Thibau Courtois, Vinicus Junior dhe Alvaro Odriozola.
Gjithashtu nuk mungojnë as senatorët e klubit si Sergio Ramos, Marcelo, Dani Carvajal, Casemiro, Toni Kroos, Karim Benzema e Gareth Bale. /Telegrafi/
