Lojtarët e Barcelonës i tregojnë drejtuesve emrin e trajnerit që duhet ta zëvendësojë Xavin, ai edhe më parë ka drejtuar katalunasit

Xavi Hernandez ka konfirmuar se do të largohet nga Barcelona në fund të sezonit aktual, pasi asgjë nuk po shkon siç duhet këtë edicion te katalunasit.

Trajneri spanjoll e ka bërë publik vendimin e tij menjëherë pas humbjes nga Villarreali në shtëpi 3-5.

Tani Barcelona do të duhet të gjej një trajner të ri për ta udhëhequr skuadrën dhe duket se futbollistët kanë caktuar se kush dëshirojnë t’i udhëheq sezonin e ardhshëm.

Lexo po ashtu Dy lojtarët kryesorë të Barcelonës fajësojnë vetën për humbjen: Është faji i yni, trajneri ka mbështetjen tonë

Sipas gazetës katalunase Sport, lojtarët e Barcelonës besojnë se menaxheri i Paris Saint-Germain, Luis Enrique është njeriu perfekt për të zëvendësuar Xavi.

Enrique është një ikonë në klub, pasi ka kaluar tetë vjet në Camp Nou si futbollist, si dhe një periudhë shumë të suksesshme trevjeçare si trajner midis 2014 dhe 2017, e cila përfshinte fitimin e nëntë trofeve.

Problemi, megjithatë, është se Enrique është nën kontratë me PSG deri në verën e vitit 2025, kështu që ata do të duhet të paguajnë një tarifë të konsiderueshme për ta emëruar atë.

Mbetet të shihet se si do të shkojnë gjërat deri në fund të sezonit për Luis Enriquen, i cili duhet të fitojë trofe në Parc de Princes për ta vijuar punën te PSG.

Gjithsesi spanjolli mbetet trajneri më i dashur nga futbollistët e Barcelonës, ku shumë prej tyre kanë punuar me të edhe te Kombëtarja e Spanjës. /Telegrafi/