Liz Truss formon kabinetin e ri – aleatët e saj kryesorë në postet e larta

Kryeministrja e Mbretërisë së Bashkuar, Liz Truss ka formuar kabinetin e ri qeveritar, por postet e larta siç raportojnë mediet e huaja iu janë dhënë aleatëve të saj kryesorë.

Siç raportohet, Kwasi Kwarteng u bë kancelar, James Cleverly u bë sekretar i Jashtëm dhe Suella Braverman u bë sekretare e Brendshme, kjo e fundit thuhet se kishte qëndruar kundër saj në garën e lidershipit. Braverman ka zëvendësuar Priti Patel, transmeton Telegrafi.

Një nga miqtë më të ngushtë të Truss, Therese Coffey, emërohet si sekretare e Shëndetësisë dhe zëvendëskryeministre.

Kabineti i saj i ri do të mblidhet përpara Pyetjeve të para të Kryeministrit më vonë.

Asnjë nga ata që e mbështetën rivalin e saj të mposhtur, Rishi Sunak, nuk do të mbetet në kabinetin e saj të plotë, me Dominic Raab, Grant Shapps, George Eustice dhe Steve Barclay që të gjithë do të kthehen në stol.

Por sekretari i shtypit i Truss tha se ndryshimet do të “unifikonin” Partinë Konservatore dhe vuri në dukje rolet e larta për pesë nga rivalët e saj drejtues: Suella Braverman, Tom Tugendhat si ministër Sigurie, Kemi Badenoch si sekretare Tregtie, Penny Mordaunt si udhëheqëse e Commons dhe Nadhim Zahawi si kancelare e Dukatit të Lancasterit.

Për herë të parë, asnjë nga katër “zyrat e mëdha të shtetit” – sikurse pozita e kryeministrit, kancelarit, sekretari të Brendshëm dhe sekretarit të Jashtëm – nuk mbahet nga një person i bardhë. /Telegrafi/