Liverpooli po synon ta ‘rrëmbejë yllin e Barcelonës – ai po shihet si pasuesi perfekt i Van Dijkut

Mbrojtësi i Barcelonës, Ronald Araujo, raportohet se po shihet si një zëvendësues potencial për Virgil Van Dijk në rast se ky i fundit nuk rinovon me Liverpoolin.

Sipas një raportimi nga Relevo, Liverpooli është lidhur me një transferim të Araujos pavarësisht se ai ka nënshkruar kontratë me blaugranasit deri në vitin 2031 në janar.

Raporti shton se Araujo ka një klauzolë lirimi tek Barcelona e cila skadon më 15 korrik, me burime të ndryshme që citojnë se ai mund të largohet për 65 ose 75 milionë euro, por pas asaj date, çmimi i tij ‘prek qiellin’.

Koha po përfundon për Van Dijk dhe ai duhet të marrë sa më parë një vendim nëse dëshiron të rinovojë apo të largohet në kërkim të aventurave të reja.

Ndonëse Araujo e ka këtë klauzolë të lirimit, pritet që ai të mbetet pjesë e Barcelonës edhe për sezonin e ardhshëm.

Reprezentuesi uruguaian me gjasë do të luajë si titullar në ndeshjen që Barcelona e luan sot (e shtunë) me fillim nga ora 21:00 ndaj Real Betisit.

Një fitore e mundshme e Araujos me shokë do të bënte që ata të shkëputeshin në gjashtë pikë ndaj rivalit të tyre Real Madridit./Telegrafi/