Liverpooli e ka gjetur zëvendësuesin e Van Dijk, por Real Madridi mund t’i prishë planet e tyre

Liverpooli mund ta ketë gjetur zëvendësuesin perfekt të Virgil Van Dijk nëse largohet këtë verë, por Real Madridi mund t’i prishë planet e tyre. 

Me vetëm tre muaj të mbetur nga edicioni aktual i Ligës Premier, tifozët e Liverpoolit ende janë në pritje për  të ditur të ardhmen e tre yjeve Trent Alexander-Arnold, Mohamed Salah dhe Van Dijk. 

Siç qëndrojnë gjërat, që të tre pritet të largohen nga ‘Anfield’ në verë pas skadimit të kontratave të tyre. 

Tani është zbuluar se Liverpooli ka filluar të punojë në lidhje me largimin e mundshëm të Van Dijk, duke identifikuar një lojtar si pasuesin e tij. 

Lexo po ashtu Liverpooli befason të gjithë - gjen zëvendësuesin ideal të Alexander-Arnold në Brazil

Sipas një raportimi nga Caught Offside, Liverpooli për një kohë të gjatë ka pasur interesim për mbrojtësin e Leipzigut, Castello Lukeba, dhe po synojnë një lëvizje për 22-vjeçarin në qershor. 

Pavarësisht moshës së tij, francezi numëron 128 paraqitje si futbollist profesionist teksa ka luajtur më parë edhe tek Lyoni. 

Leizpig e sheh të riun si një pjesë të rëndësishme të ekipit pasi kanë zgjatur bashkëpunimin me të deri në vitin 2029, duke i vendosur një klauzolë lirimi prej 90 milionë eurosh. 

Sidoqoftë, Liverpooli nuk është i vetëm në garën për shërbimet e Lukebas, pasi për të interesim thuhet se ka shprehur edhe Real Madridi. 

Si një fat i keq për Slot, duket se gjiganti spanjoll mbetet favoriti kryesor për të nënshkruar me Lukeban, pasi besohet që vet lojtari dhe agjentët e tij e shohin Madridin si një opsion të parë nëse largohen nga Leipzig./Telegrafi/