Liverpooli dhe Man Utd e duan Barellan, Interi i njofton se lojtari është i paprekshëm

Interi ka njoftuar se Nicolo Barella nuk është në shitje këtë verë, kështu që Manchester Unitedi dhe Liverpooli duhet të kërkojnë diku tjetër në lidhje me përforcimet e mesfushës.

Të dy gjigantët e Ligës Premier ishin lidhur me bërjen e një oferte për fituesin e Euro 2020 me Italinë, por sipas korrespodentit të Sky Sport Italia, Fabrizio Romano, Barella nuk është në shitje.

Interi duhet të ekuilibrojë librat financiar ,por tashmë e ka shitur Achraf Hakimin te PSG për 71 milionë euro, prandaj ata nuk po planifikojnë të ndahen me një tjetër nga lojtarët e tyre kryesorë.

Lexo po ashtu Kush do ta fitojë “Topin e Artë” – kandidatët nga Jorginho te Mount, Messi e Martinez

Nerazzurrët mund të shesin lojtarë si Ivan Perisic ose Stefano Sensi, por Barella dhe Romelu Lukaku konsiderohen ‘të paprekshëm’ nga kampionët e Serie A të cilët nuk duan të shesin yjet e tyre me çdo çmim.

Sipas Fabrizio Romanos, nuk ka asgjë në vazhdim e sipër midis Interit, Liverpoolit dhe Manchester Unitedit në lidhje me një marrëveshje të mundshme për Barella.

There’s nothing going on between Manchester United or Liverpool with Inter to sign Nicoló Barella. He’s not for sale this summer – Inter consider Barella ‘untouchable’ despite rumours. 🔴🇮🇹 #LFC #MUFC

The club have the same position also on Romelu Lukaku as of today. 🇧🇪 #CFC

— Fabrizio Romano (@FabrizioRomano) July 14, 2021

Reprezentuesi italian u bashkua me Interin nga Cagliari për 44 milionë euro në vitin 2019 dhe 24-vjeçari mund të bëhet kapiten i ekipit sapo Samir Handanovic të pensionohet.

Ai pati një sezon mbresëlënës, duke fituar titullin në Serie A me Nerazzurrët dhe Kampionatin Evropian me Azzurrët. /Telegrafi/