Liverpooli dëshiron Bastonin, ka gati ofertën e lartë për mbrojtësin e Interit

Klubi anglez, Liverpooli thuhet se është i etur për të nënshkruar një qendërmbrojtës të ri dhe objektivi i tyre është ylli i Interit, Alessandro Bastoni.  

Reds kanë vuajtur shumë këtë sezon shkaku i lëndimeve, sidomos në mbrojtje dhe rrezikojnë seriozisht të mbesin jashtë Ligës së Kampionëve.

Drejtuesit e klubit dhe trajneri po mendojnë tashmë për sezonin e ri dhe tashmë kanë etiketuar objektivat e transferimeve.

Lexo po ashtu “Yjet që kanë thyer bankën” – 21 futbollistët vlera e të cilëve është rritur më shumë në vitin 2020

Sipas mediumit italian Gazzetta dello Sport, Bastoni është ndër objektivat e mbrojtjes për Liverpoolin këtë verë.

21-vjeçari ka luajtur 32 herë në të gjitha garat për ekipin e Antonio Contes, duke shënuar katër gola, dhe do të siguronte konkurrencë për Virgil van Dijk dhe Joe Gomez kur të ktheheshin nga dëmtimi.

Lexo po ashtu Bastoni përfundon në listën e dëshirave të Barcelonës

Mediumi italian pretendon se Liverpooli është i gatshëm të paguajë deri në 43 milionë funte apo 50 milionë euro për italiani.

Megjithatë, Reds mund të përballen me konkurrencë të fortë nga Barcelona dhe Bayern Munich, ndërsa mund të has edhe në rezistencë të Interit. /Telegrafi/