Liverpool apo Chelsea? Caicedo ka marrë vendim për lëvizjen e tij të radhës

Në një kthesë tjetër të kësaj sage të transferimeve vazhdimisht në lëvizje, mesfushori i Brighton, Moises Caicedo, thuhet se ka marrë një vendim për lëvizjen e tij të radhës.

Është cilësuar si “saga më e pabesueshme e transferimeve të verës” nga Fabrizio Romano dhe ne nuk mund të pajtoheshim më shumë.

Pas javësh spekulimesh, dukej sikur saga kishte përfunduar pasi Liverpooli ra dakord për një tarifë rekord transferimi britanik prej 127 milionë euro me Brighton për reprezentuesin e Ekuadorit.

Vetë Romano tha të dielën mbrëma se Caicedo do të bëhej lojtar i Liverpoolit të premten nëse ‘gjithçka shkon sipas planit’.

Lexo po ashtu Brighton pranon ofertën e Liverpoolit, Caicedo bëhet transferimi më i shtrenjtë në histori të Ligës Premier

Dhe të hënën, Jurgen Klopp konfirmoi se një marrëveshje ishte rënë dakord në konferencën e tij të fundit për shtyp.

“Më thanë se mund të konfirmoj se marrëveshja me klubin është rënë dakord. Çfarëdo që të thotë kjo saktësisht në fund do ta shohim”, ka thënë Klopp.

Por disa orë më vonë, mesfushori me vlerësim të lartë dukej se kishte “mendime të dyta”.

EXCLUSIVE: Moisés Caicedo has just informed Liverpool that he only wants to join Chelsea! 🚨🔵🇪🇨 #CFC

Caicedo has decided to keep his word and only accept Chelsea as personal terms were agreed since end of May.

Chelsea, set to bid again in order to get deal done with Brighton. pic.twitter.com/HI3geVVq9Z

— Fabrizio Romano (@FabrizioRomano) August 11, 2023

Tani, duket se Caicedo e ka informuar Liverpoolin se ai dëshiron të bashkohet vetëm me Chelsea.

Sipas Romanos, mesfushori ka vendosur të mbajë fjalën e tij dhe të pranojë vetëm Chelsean pasi kushtet personale janë rënë dakord që nga fundi i majit.

Skuadra e Mauricio Pochettino do të bëjë sërish një ofertë për të përfunduar marrëveshjen me Brighton. /Telegrafi/