"Oppenheimer" wins Best Picture at the #Oscars. https://t.co/UNgGySGz3r pic.twitter.com/DvMjoseSRl

— Variety (@Variety) March 11, 2024

Çmimi kryesor i mbrëmjes, “Filmi më i mirë” ka shkuar për “Oppenheimer”.

Ai la prapa nëntë filmat e tjerë që ishin nominuar për këtë çmim, përfshirë filmin “Barbie”.

Për të lexuar lajmin e plotë kliko këtu.

Aktorja e famshme, Emma Stone, ka fituar çmimin e rëndësishëm të mbrëmjes, “Aktorja më e mirë në rol kryesor”.

Është hera e dytë që ajo e fiton këtë çmim pas “La La Land”, teksa këtë herë e fiton për rolin e saj në “Poor Things”.

Emma Stone la prapa aktoret tjera të nominuara si: Annette Bening, Lily Gladstone, Sandra Hüller dhe Carey Mulligan.

Regjisori i filmit “Oppenheimer”, Christopher Nolan është shpallur fitues i çmimit “Regjisori më i mirë i vitit”.

Ky çmim kishte shkaktuar shumë reagime në internet, pasi në nominime ishte anashkaluar regjisorja e filmit “Barbie”, Greta Gerwig.

Nolan la prapa konkurrentët: Justine Triet, Martin Scorsese, Yorgos Lanthimos dhe Jonathan Glazer.

Aktori i famshëm irlandez, Cillian Murphy, është shpallur fitues i çmimit “Aktori më i mirë në rol kryesor”.

Ky vlerësim erdhi për rolin e tij kryesor në filmin “Oppenheimer”.

Ai la prapa aktorët: Bradley Cooper, Colman Domingo, Paul Giamatti, dhe Jeffrey Wright.

Aktori i nominuar për çmimin ‘Aktori më i mirë në rol dytësor’, Ryan Gosling u ngjit në skenë të dielën, për të performuar live hitin “I’m Just Ken”.

Atij iu bashkua në skenë producenti i këngës, Mark Ronson, teksa interpretoi live në Teatrin “Dolby”, në Los Angeles.

Ryan ishte i veshur me një kostum rozë, duke hyrë kështu tërësisht në atmosferën e filmit “Barbie”.

“Barbie” ka shënuar edhe fitoren e parë në këtë mbrëmje, dukeu vlerësuar me çmimin “Kolona zanore më e mirë”.

Ky çmim iu dha këngës “What Was I Made For?”, të interpretuar nga Billie Eilish, duke shënuar njëherësh çmimin e dytë “Oscar” që ajo fiton në karrierën e saj.

Në këtë kategori, “Barbie” la prapa kolonat zanore të filmave: “Flamin’ Hot”, “Killers of the Flower Moon” dhe “American Symphony”.

“Oppenheimer” ka fituar edhe çmimin për partiturën më të mirë muzikore, e cila ka shoqëruar filmin.

Krijimet tjera muzikore të nominuarta në këtë kategori ishin ato për filmat: “American Fiction”, “Indiana Jones and the Dial of Destiny”, “Killers of the Flower Moon” dhe “Poor Things”.

Është prezantuar çmimi i zërimit apo audios më të mirë të film.

Dhe nga shumë që prisnin që filmi “Meastro” i Bradley Cooper të fitonte së paku këtë çmim, ‘Zërimi më i mirë’ shkoi për “The Zone of interest”.

Ai la prapa filmat: “The Creator”, “Maestro”, “Mission: Impossible — Dead Reckoning Part One” dhe “Oppenheimer”.

I njëjti film triumfoi edhe në kategorinë “Filmi më i mirë i huaj”.

“The Wonderful Story of Henry Sugar” ka fituar çmimin ‘Best Live Action Short Film’.

Ai la prapa filmat: “The After”, “Invincible” “Night of Fortune” dhe “Red, White and Blue”.

"Oppenheimer" cinematographer Hoyte van Hoytema wins the Oscar for best cinematography. https://t.co/vX8zCuTQS3 pic.twitter.com/5ZNRZfLnhG

— Variety (@Variety) March 11, 2024

“Oppenhemier” po vazhdon të dominojë me çmime në kategoritë e rëndësishme të çmimeve “Oscars 2024”.

Edhe çmimi i kinemtografisë më të mirë shkoi në duart e filmit të Christopher Nolan.

Për ta panuar këtë çmim në skenë, u paraqit drejtori i kinematografisë së filmit, Hoyte van Hoytema.

Të nominuar për këtë çmim ishin edhe: “El Conde”, “Killers of the Flower Moon”, “Maestro” dhe “Poor Things”.

Çmimi “Dokumentari më i mirë i metrazhit të gjatë”, ka shkuar për dokumentarin ukrainaS “20 Days in Mariupol”.

Ky njëherësh shënon herën e parë në histori, që Ukraina merr një çmim “Oscars”.

Të nominuar ishin gjithashtu: “Bobi Wine: The People’s President”, “The Eternal Memory”, “Four Daughters” dhe “To Kill a Tiger”.

Çmimi për dokumentarin më të mirë të shkurtër ka shkuar për dokumentarin “The Last Repair Shop”.

Në këtë kategori ishin të nominuar edhe: “The ABCs of Book Banning”, “The Barber of Little Rock”, “Island in Between” dhe “Nǎi Nai and Wài Pó”.

Filmi “Oppenheimer” ka dominuar në kategorinë e rëndësishme të mbrëmjes, “Editimi më i mirë”.

Meritore për këtë çmim është sigurisht editorja e famshme amerikane, Jennifer Lame.

Në këtë kategori, “Oppenheimer” la prapa: “Anatomy of a Fall”, “The Holdovers”, “Killers of the Flower Moon” dhe “Poor Things”.

Billie Eilish dhe vëllai i saj, Finneas, sollën një interpretim të zemrës dhe prekës të këngës “What I Was Made For” me një skenografi minimale dhe orkestrë në sfond. Ngjyra e sfondit ishte, natyrisht, rozë – frymëzuar nga filmi “Barbie”.

Ata janë nominuar për çmimin “Kënga më e mirë origjinale” mbrëmjen e sotme, për kolonën zanore të filmit “Barbie”.

Filmi “Godzilla Minus One” është shpallur fitues në kategorinë ‘Efektet më të mira vizuele’.

Për këtë çmim kanë qenë gjithashtu të nominuar: “The Creator”, “Guardians of the Galaxy Vol. 3″, “Mission: Impossible — Dead Reckoning Part One” dhe “Napoleon”.

Robert Downey Jr. nga filmi hit “Oppenheimer” ka fituar çmimin “Aktori më i mirë në rol dytësor”.

Ai la prapa konkurruesin më të fortë për këtë kategori, aktorin Ryan Gosling nga filmi “Barbie”, si dhe emrat e tjerë: si Sterling K. Brown, Robert De Niro, dhe Mark Ruffalo.

Aktori dhe mundësi i famshëm, John Cena, është shfaqur lakuriq në skenën e “Oscars 2024”, për të prezantuar çmimin “Kostumografia më e mirë”.

Lexo lajmin e plotë duke klikuar këtu.

Filmi “The Zone of Interest”, prodhim i Mbretërisë së Bashkuar, ka fituar në kategorinë “Filmi më i mirë i huaj”.

Ai la prapa filmat: “Io Capitano”, “Perfect Days”, “Society of the Snow” dhe “The Teachers’ Lounge”.

Në tri çmimet e radhës që janë prezantuar në “Oscars 2024”, atë për ‘makijazhin dhe flokët të mira’, për ‘prodhimin më të mirë të skenografisë’ dhe ‘kostumografisë më të mirë’, fitues u shpall filmi “Poor Things”.

Filmi ka qenë një befasi më vete, pasi la prapa filma të famshëm si: “Barbie”, “Oppenheimer”, “Napoleon”, “Killers of the Flower Moon”, “Maestro” e të tjerë.

Lexo lajmin e plotë këtu.

“American Fiction” i regjisorit të njohur Cord Jefferson, mori çmimin e skenarit më të mirë të përshtatur.

Ky është çm imi i parë “Oscar” për Jefferson, gjersa është hera e dytë në karrierën e tij që ka qenë i nominuar.

Me “American Fiction”, ai la prapa filmat super hit si “Barbie” dhe “Oppenheimer”, të cilët gjithashtu ishin të nominuar në kategori, duke mos harruar edhe “Poor Things” dhe “The Zone of Interest”