Ekipi amerikan ka kaluar në finale të turneut Blast Premier World Final, pas fitores ndaj ekipit OG.

Tani Liquid është shumë afër çmimit prej 500.000 dollarësh, ku i ka mbetur vetëm edhe një ndeshje për t’u shpallur kampion të turneut të fundit të vitit në CS:GO.

Në gjysmëfinale Liquid mposhti ekipin OG me rezultat të përgjithshëm 2-1 me mapa.

Jonathan "⁠EliGE⁠" Jablonowski pati një paraqitje të shkëlqyer dhe ishte një pengesë e madhe për OG gjatë gjithë ndeshjes.

Ai e përfundoi ndeshjen me 60 eliminime dhe vlerësimin nga HLTV 1.26.

Liquid tani e pret fituesin e ndeshjes FaZe ndaj G2 në finale, ku do të përballen në formatin ‘Bo3’ në Abu Dhabi, Dubai. /Telegrafi/

eSports Sport
telegrafi sport app