Limaj për masakrën e Izbicës: Në dialog do të bëjë çmos që kryesit e këtyre krimeve të dalin para drejtësisë

Zëvendëskryeministri i Kosovës, Fatmir Limaj, ka kujtuar në 20-vjetorin e saj masakrën e Izbicës.

Limaj në llogarinë e tij në Facebook, ka shkruar masakra e Izbicës zuri vend edhe në raportin e Departamentin amerikan të shtetit ku u publikuan edhe fotografitë e bëra nga sateliti, në të cilat qartë shihen 147 varrezat e reja në Izbicë

Ai ka thënë se dhe bashkëkryesues i delegacionit shtetëror në bisedimet me Serbinë do të bëjë çmos që kryesit e këtyre krimeve të dalin para drejtësisë dhe të dihet fati i të pagjeturve.

“Janë bërë sot 20 vjet nga masakra e Izbicës, ku forcat ushtarake, policore e paramilitare serbe vranë 147 shqiptarë të Kosovës. Më 25, 26, 27 mars 1999, Ushtria Çlirimtare e Kosovës kishte bërë rezistencë heroike ndaj forcave serbe, ndërsa të dielën më 28 mars, forcat serbe në shenjë hakmarrje vranë dhe masakruan mizorisht 147 veta. Masakra e Izbicës zuri vend edhe në raportin e Departamentin amerikan të shtetit ku u publikuan edhe fotografitë e bëra nga sateliti, në të cilat qartë shihen 147 varrezat e reja në Izbicë. Mizoria tjetër e pushtuesit serb ishte zhvarrimi i trupave duke i dërguar në lokacione të ndryshme në Kosove e Serbi. Si zëvendëskryeministër dhe bashkëkryesues i delegacionit shtetëror në bisedimet me Serbinë do të bëjë çmos që kryesit e këtyre krimeve të dalin para drejtësisë dhe të dihet fati i të pagjeturve. Lavdi e përjetshme martirëve, i përjetshëm kujtimi për ta”, ka shkruar Limaj./Telegrafi/