Ligji i ri në Gjermani: Disa pronarë do të duhet t’ia japin banesën private shtetit

Qeveria federale e Hessenit po prezanton një ligj të ri në luftimin e mungesës së banesave të lira.

Pronarët e apartamenteve të papërdorura në Hessen në të ardhmen duhet ta vënë në dispozicion të shtetit apartamentin e tyre, i cili është bosh dhe i pa shfrytëzuar.

Tregu i banesave në shtet mbetet i tensionuar. Qiratë në Hessen vazhdojnë të rriten, veçanërisht në qytetet e mëdha, raportojnë mediat gjermane.

Sipas Ministrit të Ekonomisë, Kaveh Mansuri (SPD), ka 120 mijë apartamente bosh në Hessen dhe 13 mijë vetëm në Frankfurt. Një ligj i ri i qeverisë së shtetit tani synon të ndihmojë në trajtimin e banesave të papërdorura.

Mansuri bëri fushatë për projektin në parlamentin e shtetit.

“Askush nuk e mohon se ka arsye të ndryshme për banesat bosh, si ndryshimi i qiramarrësve apo rinovimi. Por, në fund ka mijëra apartamente ku nuk mund të shpjegojmë hapësirën bosh. Prandaj po prezantojmë një ligj të ri”, tha Mansuri dhe njoftoi një rregullore “të balancuar” që banesat e lira do të kufizoheshin në gjashtë muaj.

Nuk dihet ende se si drafti i shpallur do të hartohet posaçërisht për të kundërshtuar daljen e apartamenteve të papërdorura. /Telegrafi/