Liga e Kampionëve do të paguajë për klubet 2.45 miliardë euro sezonin e ardhshëm

UEFA u zotua të paguajë të paktën 2.46 miliardë euro para për klubet që luajnë në Ligën e Kampionëve sezonin e ardhshëm, kur do të zgjerohet në 36 ekipe.

Fondi total i çmimeve ka qenë rreth 2 miliardë euro në çdo sezon që nga viti 2021.

Ky fond do të ndahet mes klubeve, ku do të jenë katër shtesë në formatin e rinovuar që gjithashtu u garanton ekipeve tetë ndeshje në vend të gjashtë sa ishin aktualisht.

Aktualisht, fituesi i Ligës së Kampionëve mund të presë të fitojë rreth 130 milionë euro nga UEFA.

UEFA tha se do të ndajë të paktën 4.4 miliardë euro (4.74 miliardë dollarë) të ardhura të parashikuara për të gjitha garat e saj të klubeve për meshkuj sezonin e ardhshëm.

440 milionë euro apo 10 për qind e totalit – do të ndahen mes klubeve të eliminuara në raundet kualifikuese të garave evropiane ose atyre në ligat e niveleve më të larta që as nuk u kualifikuan për ndeshjet e UEFA-s.

Lexo po ashtu Man City mund të përjashtohet nga Liga e Kampionëve e vitit të ardhshëm pasi shfaqet një skenar makthi

Të ardhurat e parashikuara janë më pak se vlerësimet e mëparshme të UEFA-s për të paktën 4.6 miliardë euro të ardhura.

Të ardhurat e tepërta duhet të ndahen mes klubeve që luajnë në Ligën e Kampionëve, Ligën e Evropës dhe Ligën e Konferencës.

Secila do të ketë 36 skuadra që luajnë në një tabelë të vetme të renditjes në vend të grupeve tradicionale me katër ekipe.

Fondi i çmimeve të Ligës së Evropës është të paktën 565 milionë euro, ndërsa Liga e Konferencës do të ketë 285 milionë euro. /Telegrafi/