Këngëtarja e njohur shqiptare, Leonora Jakupi, i është rikthyer skenës muzikore pas një pauze të gjatë që bëri.
Ajo para pak muajve solli këngën e re me klip “A m’ke harru”, e cila u prit mjaft mirë nga publiku dhe fansat e shumtë të saj.
Ndërsa tani, artistja nga Drenica tregon se është duke punuar në projektin e ri, xhirimet e të cilit tashmë ka nisur.
Biondja ka publikuar një fotografi në llogarinë zyrtare, Instagram, përmes së cilës bën edhe njoftimin e këngës.
Ajo shfaqet e veshur me një fustan të gjatë të bardhë, dukja e së cilës është shumë unike dhe mjaft elegante.
Në ndërkohë, komplimentet rreth pamjes ishin të shumta, duke mos munguar edhe ato nga koleget e saj.
"Së shpejti, kënga e re", ka shkruar krahas këtij imazhi Jakupi.
"A m'ke harru" përndryshe në platformën YouTube ka kaluar shifrën e një milion klikimeve, gjersa tani presim të shohim se çfarë do na sjellë.
Leonora gjatë kësaj kohe ka qenë më pak e angazhuar në muzikë, pasi siç është deklaruar ka qenë më e fokusuar në jetën private. /Telegrafi/
