Leno shihet nga Interi si zëvendësuesi i Samir Handanovic

Interi po përgatitet për largimin e kapitenit të skuadrës Samir Handanovic në fund të këtij edicioni.

Portieri slloven ka paralajmëruar se mund të largohet nga Neroazzurët, pasi ai tanimë është një veteran.

37-vjeçari ditë më parë deklaroi se ky mund të jetë sezoni i fundit me fanellën e Interit dhe gjiganti italian ka filluar të mendojë për zëvendësuesit e mundshëm.

Portieri gjerman i Arsenalit, Bernd Leno po shihet si zëvendësuesi adekuat për sllovenin Samir Handanovic.

Mediat në Itali kanë raportuar se Inter është gati të futet në bisedime me Arsenalin për transferimin e Lenos qysh në afatin kalimtar të janarit.

Topçinjtë kanë blerë tanimë anglezin Ramsdale dhe nuk do ta ndalojnë Lenon të largohet nga klubi.

Kampioni në fuqi i Italisë po përgatitë një ofertë prej 100 mijë eurove në javë për gjermanin që ta bind të transferohet në Giuzeppe Meazza.

Në rast se nuk arrihet Leno, atëherë alternativë për Interin mbetet poriteri kamerunas i Ajaxit, Andre Onana. /Telegrafi/