Muaji tetor erdhi së bashku me trendet e reja që javët e modës sollën në New York, Londër, Milano e më pas për ta mbyllur në Paris…
Sfilatat e fundit të sugjeruara nga stilistët e markave më të njohura në botë sugjeruan propozimet e tyre duke na përgatitur në lidhje me tendencat që do të mbizotërojnë modën në fillimin e vitit të ardhshëm.
Krahas atyre që tashmë njihen si tendenca të reja, ajo që do të fillojmë ta veshim më shpesh që nga vjeshta e këtij viti është pikërisht lëkura, në ngjyra të ndryshme dhe në stile të ndryshme veshjesh, për meshkuj e për femra.
Miu Miu, Alexander Mc Queen, Saint Laurent e disa stilistë të tjerë e kanë sjellë këtë trend duke e kombinuar në stile të ndryshme si: funde, pantallona të shkurtra, kostume e fustane, me pak fjalë, mund ta veshim kudo dhe kurdo!
Lëkura është një material që mund të vishet me stil në pranverë, verë, vjeshtë por mund të përshtatet shumë bukur edhe me veshjet e dimrit ndaj, mendoni ta përfshini në blerjet tuaja për të qenë në një hap me sugjerimet e fundit për vitin 2019.
