“Lëkura i ndryshoi ngjyrë dhe nuk mund të fliste”, gruaja e legjendës turke tregon vuajtjet e Rustu Recber nga coronavirusi

Gruaja e ish-portierit turk, Rustu Recber, Isil ka folur për betejën e tij me coronavirusin, duke zbuluar sesi lëkura e tij ndryshoi ngjyrë dhe si ai nuk mund të fliste.

Rustu Recber momentalisht ka 46 vjet dhe gjendet i shtruar në spital pasi ka rezultuar pozitiv me coronavirus.

Për vuajtjet e tij dhe situatën e portierit ka folur gruaja e ish-legjendës turke, Isil.

Lexo po ashtu Portieri legjendar turk, Rustu Recber rezulton pozitiv me coronavirus

“72 orët e fundit kanë qenë shumë të vështira dhe shpresoj që tani e tutje ato do të jenë më të mirë. Dua të falënderoj pafund për të gjithë ata që janë me ne, nga ana jonë, tani”, ka thënë fillimisht Isil për Fanatik.

“Kjo është beteja për të qenë kundër një virusi të ri që ka ndryshuar në madhësi dhe nuk është i njohur për trupin e njeriut. Zbulimi i hershëm është shumë i rëndësishëm”.

“Ky virus nuk qëndron në fyt ose hundë, ai lëviz shpejt në mushkëri, ku arrin menjëherë për tu shumuar dhe për të filluar pneumoninë”.

“72 orët e para janë shumë kritike. Rustu kishte ethe për ditë e orë të tëra. Simptoma të çuditshme që ai nuk i ka provuar, ndjerë apo parë më parë. Ai vuajti nga dobësia e fortë, lodhja, humbja e oreksit”.

“Lëkura e tij u kthye në mavi, si buzët e tij. Ai merrte frymë shpejt dhe e kishte të vështirë ta bënte këtë, përveç një kolle që nuk mbaronte. Ai gjithashtu nuk mund të fliste dhe kishte një puls të parregullt”, përfundoi gruaja e Recber.

Ndryshe, Recber është lojtari me më shumë paraqitje me kombëtaren e Turqisë, plot 120, ndërsa në të kaluarën ka mbrojtur ngjyrat e klube të njohura si Fenerbahce, Besiktas dhe Barcelona. /Telegrafi/