Latifi i lumtur se ka arritur të jetë në top pesëshen e UFC-së: Çdo gjë është e mundur nëse luftoni për atë

Java e fundit e muajit shkurt të vitit 2018 është një nga ato që Ilir Latifi nuk do ta harrojë kurrë.

Kjo pasi puna e madhe ndër vite i është shpaguar me sukses botëror.

Lexo po ashtu Latifi nuk trembet, i kërkon përballje kampionit Cormier dhe i falënderon të gjithë edhe në gjuhën shqipe

Pas fitores ndaj Ovince Saint Preux, UFC ka publikuar renditjen e re dhe shqiptari është në top pesëshe, duke i dhënë kështu mundësinë atij të luftojë për titullin në kategorinë e ulët të peshave të rënda.

Lista prihet nga kampioni Daniel Cormier, të cilit Latifi i ka kërkuar përballje menjëherë pas fitores ndaj ‘OSP’-së.

34-vjeçari nga Kosova, por që garon si sportistë i Suedisë është ngjitur nga vendi i tetë në të pestin dhe për këtë është shprehur i lumtur:

“Duke u ngjitur në botë dal ngadalë. Nga Rosengardi (Suedi) në top pesëshen e sportistëve në UFC. Shpresoj të jem model për fëmijët që rritet në zona me më pak fat, çdo gjë është e mundur nëse luftoni për atë!”, ka shkruar Latifi në Twitter.

Para kësaj arritje sportisti shqiptar i artëve të përziera marciale ka postuar një video animacion në Instagram, ku ai i kërkon përballje kampionit Cormier, por ky i fundi frikësohet për ta pranuar. /Telegrafi/

https://www.instagram.com/p/BfrGHy5FTtw/