Laporta: Bisedimet me Messin po ecin mirë, rinovimi nuk ka të bëjë me audtimin në klub pasi kemi fond të rezervuar për të

Joan Laporta e ka bërë të qartë se çështja e rinovimit të kontratës së Lionel Messi nuk ka asnjë lidhje me rezultatin që do ta dal nga raporti i auditimit të klubit.

Presidenti i Barcelonës shpjegoi se bordi i tij kanë përgatitur një strategji të caktuar për të bindur Leo Messin për të qëndruar në Kataluni.

Laporta foli për situatën e Messit gjatë prezantimit të Eric Garcia.

“[Përtëritja e kontratës së Messit] nuk varet nga auditimi”.

“Ne jemi në bisedime me përfaqësuesit e tij. Gjërat po shkojnë mirë dhe shpresojmë që të përparojnë”.

“Ne jemi pak a shumë të vetëdijshëm për rezultatet e këtij viti [auditimit]. Kur të përfundojmë auditimin në korrik, ai do të na japë më shumë informacion”.

“Por për rinovimin e [ Messi ] ne tashmë kishim një fond rezervë, një strategji të përgatitur”, ka thënë Laporta.

Laporta theksoi gjithashtu se vendimi i Messit varet vetëm nga projekti sportiv i ofruar nga klubi.

“Ne jemi të gjithë të ngazëllyer [nga mundësia] që ai dhe Sergio Aguero të luajnë së bashku”.

“Për Messin, nuk është çështje parash”. Ai po tregon shumë mirëkuptim. Ai dëshiron një ekip konkurrues që fiton tituj. Asnjë nga transferimet që ne bëjmë nuk janë bërë në lidhje me negociatat me të”.

“Ne e dimë që ai dëshiron të qëndrojë. Ne e vlerësojmë shumë. Shpresoj që dëshira e tij për të qëndruar në Barcelonë është vendimtare”, deklaroi Laporta. /Telegrafi/