Gara për ‘Këpucën e Artë’ në Ligën Premier për sezonin 2017-18, pritet të jetë e ngushtë.
Harry Kane që ishte fitues sezonin shkuar kishte arritur që për 30 ndeshje të gjejë portën 29 herë, duke e lënë pas Romelu Lukaku që kishte shënuar 25 gola në 37 ndeshje me Evertonin.
Këtë vit në garë do të futen edhe sulmuesi i Chelseat, Alvaro Morata dhe ai i Arsenalit, Alexandre Lacazette, që po bëjnë mirë në këtë fillim sezoni.
Lacazette shënoi dy herë ndaj West Bromëich Albion duke u ngjitur në top-10 të shënuesve më të mirë.
Aktualisht pas gjashtë ndeshjeve ylli i Manchester Cityt, Sergio Aguero, ai i Manchester United, Lukaku dhe Morata kanë nga gjashtë gola.
Me pesë gola vijnë Raheem Sterling dhe Jamie Vardy.
Sipas kompanive të basteve, favorit për të fituar në fund është Lukaku.
Pas tij vijnë Harry Kane, Sergio Aguero dhe Alvaro Morata. /Telegrafi/
