LAJMI I FUNDIT:

Kushner, si Clinton, ka përdorur “e-mail”-in privat

Kushner, si Clinton, ka përdorur “e-mail”-in privat

Përdorimi i “e-mail”-it privat gjatë kohës kur shërbente si Sekretare Shteti ishte një nga arsyet e kryqëzimit të Hillary Clintonit nga Donald Trump gjatë fushatës elektorale, por së fundi edhe vet dhëndri i tij, Jared Kushner ka bërë të njëjtën gjë në Shtëpinë e Bardhë.

Bëhet fjalë për 36-vjeçarin, i martuar me vajzën e manjatit, Ivanka, i cili është aktualisht këshilltar i lartë i presidentit.

Vet avokati i tij e konfirmoi ekzistencën dhe përdorimin e adresës private të postës elektronike, përmes së cilës Kushner ka shkëmbyer qindra mesazhe me zyrtarë të tjerë të administratës amerikane, mbi çështje që përfshinin mbulimin mediatik dhe planifikimin e shfaqjeve.


Sipas Politico-s, e para që e përcolli lajmin, nuk ka për çdo rast të dhëna se nga adresa e tij private, Kushner ka ndarë informacione të klasifikuara apo të privilegjuara.

Gjatë fushatës, Trump e shënjestroi vazhdimisht Clintonin për faktin se kishte përdorur e-mail-in privat kur ishte në krye të Departamentit të Shtetit dhe në mënyrë të përsëritur i inkurajonte turmat e simpatizantëve të thërrisnin “Prapa hekurave”.

Miliarderi u zotua asokohe ta burgoste rivalen demokrate, mes shqetësimeve se mund të kishte nxjerrë informacione sekrete, por një hetim mbi çështjen e shumëdebatuar u mbyll pa ngritjen e ndonjë aktpadie. Rregullat federale në Shtetet e Bashkuara e theksojnë qartë sesi duhet të ruhen të dhënat që lidhen me presidentin, apo çdo lloj aktiviteti qeveritar. /kp/Telegrafi/

Në trend Botë

Më shumë
Bill Gates paralajmëron për një pandemi

Bill Gates paralajmëron për një pandemi "shumë më të rëndë" në vitet e ardhshme

Botë
Plani i Trumpit për kontrollin e Gazës, presidenti amerikan ripërsërit propozimin

Plani i Trumpit për kontrollin e Gazës, presidenti amerikan ripërsërit propozimin

Amerika
Pas propozimit të Trumpit, Izraeli urdhëron ushtrinë të hartojë planin që palestinezët të largohen nga Gaza

Pas propozimit të Trumpit, Izraeli urdhëron ushtrinë të hartojë planin që palestinezët të largohen nga Gaza

Azia
Ministri francez i Mbrojtjes njofton se aeroplanët e parë luftarak Mirage 2000 arrijnë në Ukrainë

Ministri francez i Mbrojtjes njofton se aeroplanët e parë luftarak Mirage 2000 arrijnë në Ukrainë

Evropa
Jordania e gatshme për luftë me Izraelin nëse Netanyahu i dëbon me forcë palestinezët

Jordania e gatshme për luftë me Izraelin nëse Netanyahu i dëbon me forcë palestinezët

Azia

"Lëvizja për të shkarkuar presidentin e SHBA-së ka filluar" - demokratët kundër Trumpit

Botë
Kalo në kategori