Kushëriri i Messit: Askush nuk e di të ardhmen e tij, dua ta shoh në një ekip tjetër

Kushëriri i Lionel Messi, Maxi Biancucchi ka rrëfyer se ai do të donte të shihte largimin e argjentinasit nga Barcelona, ​​por paralajmëroi se askush nuk e di të ardhmen e tij.

Massimo Moratti u përpoq ta merrte Messin në Inter kur ishte President dhe aktualisht po drejton thirrjet që ai të bashkohet me Nerazzurrët.

Edhe kushëriri i Messit, Biancucchi, duket që e aprovon këtë veprim, edhe pse nuk mund ta sheh se do të ndodh.

Lexo po ashtu Legjenda e Unitedit, Ferdinand: Messi më turpëroi në finalen e Ligës së Kampionëve

“E vërteta është se kjo është diçka shumë personale, por askush tjetër nuk e di të ardhmen e tij, vetëm vet Messi”, ka thënë fillimisht Biancucchi për FootballNews24.

“Personalisht, unë do të doja ta shikoja atë të luante për një ekip tjetër, siç dëshirojnë shumë nga tifozët e tij, për t’u treguar atyre që pretendojnë se Messi është i mirë vetëm për Barcelonën, që ata kanë gabuar”.

“E vërteta është se një gjeni si ai mund të luajnë mirë kudo”.

Lexo po ashtu Pesë gjigantët evropianë që mund të transferojnë Messin në këtë verë

“Sinqerisht, nuk e shoh atë në Itali. Mendim i imi do të ngjall dyshime por, siç thashë më parë, vendimi është vetëm i tij”.

“Ëndrra ime, nëse duhet të jem i sinqertë, është ta shoh atë duke veshur bluzën e Newell’s Old Boys”, përfundoi kushëriri i Messit. /Telegrafi/