Kurti: Barazia sociale fillon me barazinë gjinore – prioriteti jonë mbeten gratë dhe vajzat

Kryeministri Albin Kurti  ka thënë se nuk mund të ketë barazi sociale nëse nuk ka barazi gjinore.

Në një postim në “X”, ai ka renditur disa nga të arriturat e qeverisë së tij, duke thënë se po punojnë vazhdimisht për të përmirësuar mundësitë për gratë dhe vajzat si në sektorin publik ashtu edhe në atë privat.

“51% e të rinjve të punësuar përmes platformës sonë SuperPuna (SuperJob) të sponsorizuar nga qeveria, së bashku me 55% të përfituesve të masës sonë të punësimit për familjet janë gra. Ne kemi mbështetur vende pune për mbi 12 mijë gra në tre vitet e fundit”, ka shkruar Kurti.

Kryeministri ka shtuar se kanë përdorur masa të synuara ndaj bizneseve në pronësi ose në bashkëpronësi të grave dhe se u kanë  ofruar grante dhe subvencione më të larta në kuadër të programeve të efiçiencës së energjisë.

“Më shumë se 100 mijë gra kanë hapur llogaritë e para bankare. Mbi 55 mijë gra kanë përfituar për herë të parë nga shtesat tona të lehonisë. Në tre vitet e fundit ne kemi financuar mbi 4600 bursa universitare për gra dhe vajza në STEM. Ata tani përbëjnë 50% të studentëve në fushat STEM në Universitetin e Prishtinës – një arritje e jashtëzakonshme e barazisë gjinore në fushat tradicionalisht të dominuara nga meshkujt”, ka deklaruar Kurti.

Kurti ka shtuar se kanë integruar politikëbërjen me bazë gjinore në fusha të tilla si energjia, duke ofruar bursa dhe praktika për gratë në energji.

“Numër rekord i grave në pozita vendimmarrëse në institucionet publike, përfshirë ndërmarrjet publike, në të cilat kemi katërfishuar (nga 10% në 45%) peshën e grave në bordet e drejtorëve. Arsimi, punësimi, përfaqësimi, mirëqenia dhe pavarësia financiare janë shtyllat kryesore të barazisë sociale dhe gjinore. Jemi krenarë që nën udhëheqjen e Qeverisë sonë, këto shtylla janë më të forta se kurrë”, është shprehur kryeministri. /Telegrafi/

There can’t be social equality without gender equality. That’s why our social democratic Government is constantly working to improve opportunities for women and girls, in both the public and private sectors.

So far:

🔹51% of young people employed via our government-sponsored…

— Albin Kurti (@albinkurti) July 21, 2024