Kur të shihni këtë video, do të ndaloni së fërkuari sytë menjëherë! Mund të dëmtojë edhe shikimin

Nëse shpesh i fërkoni sytë, është koha të ndaloni

Zakonisht kur jemi të lodhur dhe sytë mbyllen ngadalë, e kemi zakon t’i fërkojmë me duar për të larguar gjumin.

Disa e bëjnë këtë edhe kur pluhuri ose shamponi u futet në sy. Megjithatë, ndoshta është koha të ndaloni së bëri këtë…

Dr. Brian Boxer Wachler, kohë më parë ka shpjeguar ku është problemi i këtij zakoni. Ai ka postuar një imazh të syve nga rezonanca magnetike në momentin kur pacienti i fërkon me duar, transmeton Telegrafi.

Në atë imazh mund të shihni qartë se si lëviz dukshëm kokërdhoku i syrit dhe futen më tej në gropën e syrit, dhe në këtë mënyrë ato shtypen edhe më shumë…

“Mos i fërkoni sytë, sidomos nëse keni keratokonus, i cili mund ta përkeqësojë gjendjen”, ka shkruar doktori nën video.

Keratokonus është një sëmundje e syrit, në të cilën kornea është në formë kupe (normalisht është gjysmësferike). Një çrregullim në formën e kornesë prish përthyerjen e duhur të dritës në sy dhe shkakton çrregullim të shikimit. Përveç dëmtimit të mundshëm të syrit, fërkimi me duar të pista mund të çojë edhe në infeksion.

“Një cipë e gërvishtur ose e hollë e bën syrin më të prirur ndaj infeksioneve, duke përfshirë infeksionet mykotike. Ndërsa syri ka një sërë masash të pabesueshme mbrojtëse – vetullat, qerpikët e poshtëm dhe të sipërm, dhe një sistem të lagësht shpëlarjeje që aktivizohet sa herë që mbyllni sytë – ai nuk është imun ndaj infeksionit.

“Nëse sytë tuaj janë të përflakur dhe gërvishtur, ose nëse bakteret ‘gabimisht’ transferohen nga duart tuaja në sytë tuaj, ekziston një rrezik më i lartë i infeksionit të syve,” shpjegojnë ekspertët, duke shtuar disa nga infeksionet bakteriale më të zakonshme që ndodhin kur duart e pista prekin sytë:

▪ stafilokoku
▪ streptokokët
▪ salmonela
▪ Escherichia coli

Përveç kësaj, fërkimi i syve mund të shkaktojë glaukomë, e cila është shkaku kryesor i humbjes së shikimit. Mund të shfaqet në çdo moshë dhe prek nervin optik në pjesën e pasme të syrit.

Shikoni imazhin e rezonancës magnetike:

 #keratoconus #eyes ♬ Cornfield Chase – Hans Zimmer

/Telegrafi/