Kur ‘misset’ e shteteve rivale pozojnë krah njëra-tjetrës (Foto)

Shpesh ndodh që personazhet VIP, përfaqësues të garave shtetërore në kompeticione ndërkombëtare, të mos kenë relacione të mira me përfaqësuesit e shteteve fqinje.

Por, kjo mesa duket nuk ka ndodhur mes dy bukurosheve përfaqësuese të Izraelit dhe Irakut në spektaklin e bukurisë “Miss Universe 2017”.

https://www.instagram.com/p/Bbc-3FlH4LJ

“Miss Iraku” dhe “Miss Izraeli” kanë pozuar pranë njëra-tjetrës në Instagram, teksa shfaqen të buzëqeshura dhe gjithë pozitivistet.

“Që ta dini, kjo është Miss Iraku dhe është e mrekullueshme”, ka shkruar në mbishkrimin e fotografisë 19-vjeçarja Adar Gandelsman, përfaqësuese e Izraelit në “Miss Universe” që këtë vit mbahet në Las Vegas.

“Paqe dhe dashuri nga Miss Irak dhe Miss Izrael”, ka shkruar Miss Iraku, Sarah Idan, në Instagramin e saj.

Reagimet për këtë fotografi kanë qenë të shumta, ndërsa vet “Miss Izraeli” është shprehur se imazhi nuk ka pasur qëllime tjera, por transmetimit të një mesazhi paqësor.

https://www.instagram.com/p/BbmaZRogNhx

Në një shkrim që bëri më vonë në rrjetet sociale, ajo sqaroi se fotografia ”nuk ka për qëllim të dërgojë ndonjë sinjal në qeverinë e Izraelit dhe nuk do të thotë aspak që unë mbështes politikat e dy vendeve.”

Dy bukuroshet do të shfaqen në edicionin e 66-të të “Miss Universe”, i cili do të mbahet më 26 nëntor. /Telegrafi/