“Kur e mendova për herë të parë u ndjeva i mërzitur”, f0rest njofton pensionimin nga Counter-Strike

Patrik ‘f0rest’ Lindberg i ka dhënë fund karrierës së tij në Counter-Strike, ka bërë të ditur sot (e premte) gjatë ditës HLTV.

36-vjeçari do të nis një kapitull të ri si ambasador nderi dhe krijues përmbajtjesh për NIP (Ninjas in Pyjamas), organizata në të cilën ai kaloi tetë vite mes 2012 dhe 2020.

f0rest cilësohet gjerësisht si njëri ndër lojtarët më të mëdhenj në histori teksa ai ka një kabinet të mbushur me trofe nga karriera pothuajse 20-vjeçare,

Suedezi fillimisht u bë i njohur në skenën e Counter Strike 1.6 me ekipet Begrip, Fnatic dhe SK Gaming, teksa atë sukses e vazhdoi edhe në CS:GO, aty ku e vazhdoi partneritetin e tij me Christopher ‘GeT_RiGhT” Alesund.

Dyshja ishin shumë të rëndësishëm për suksesin e arritur tek Ninja in Pyjamas, të cilët patën një seri fitores prej 87-0 në LAN mes viteve 2012 dhe 2013, kur ekipi po shkëlqente në skenën botërore të kësaj loje.

Në vitin 2014, NIP u shpall fitues i ‘ESL Cologne’, që mbetet titulli i vetëm i Major-it për këtë organizatë.

f0rest gjithashtu fitoi 23 trofe LAN dhe u shpall tetë herë MVP (lojtari më i vlefshëm) gjatë kohës së kaluar tek NIP./Telegrafi/

First photo: ESWC 2006
Last photo: IEM Dallas 2023

Happy retirement, legend 🥲 @f0rest pic.twitter.com/faBJv03tTx

— HLTV.org (@HLTVorg) November 8, 2024