Kryeministrja e Italisë, Giorgia Meloni ndahet nga partneri i saj pas dhjetë vitesh lidhje

Kryeministrja italiane, Giorgia Meloni, deklaroi së fundmi se është ndarë nga partneri i saj, gazetari Andrea Giambruno, i cili ka tërhequr kritika javët e fundit për komentet seksiste të bëra në transmetim.

“Marrëdhënia ime me Andrea Giambrunon, e cila zgjati gati 10 vjet, përfundon këtu”, ka shkruar ajo në Facebook.

“Rrugët tona kanë ndryshuar për disa kohë dhe ka ardhur koha ta pranojmë atë”, shtoi ajo.

Çifti kanë bashkë një vajzë të vogël.

Giambruno është prezantues i një programi lajmesh të transmetuar nga Mediaset, pjesë e grupit mediatik MFE në pronësi të trashëgimtarëve të të ndjerit, Silvio Berlusconi.

Në dy ditë të kësaj jave, një tjetër emision i Mediaset transmetoi fragmente jashtë transmetimit nga programi i Giambrunos që e tregonte atë duke përdorur gjuhë të neveritshme.

Në regjistrimin e dytë, më të qartë të transmetuar të enjten, Andrea dëgjohet duke u mburrur për një lidhje dhe duke u thënë kolegeve femra se mund të punojnë për të nëse marrin pjesë në seks në grup.

Meloni kishte thënë pas atij episodi se nuk duhej gjykuar për komentet e partnerit të saj dhe se në të ardhmen nuk do t’u përgjigjej pyetjeve për sjelljen e tij. /Telegrafi/