Kryediplomati rus paralajmëron Serbinë: Presioni për ta njohur Kosovën do të vazhdojë!

Shefi i diplomacisë ruse ka konfirmuar se Moska insiston në zbatimin e Rezolutës 1244, që nënkupton një dialog të drejtpërdrejtë midis Beogradit dhe Prishtinës dhe të respektojë integritetin e Serbisë.

“Në këtë kuadër, ne në çdo mënyrë të mundshme kemi për të kontribuar në gjetjen e zgjidhjeve. Dhe cilat zgjidhje konkrete Rusia mund të mbështesë? Unë theksoj se ne jemi prapa deklaratave të presidentit Vladimir Putin, i cili në mënyrë të përsëritur ka theksuar se do të pranojë cilëndo zgjidhje që i përshtatet Serbisë”, citohet të ketë thënë për mediat serbe, Sergej Lavrov, përcjell Telegrafi.

Duke komentuar mbi politikën e jashtme të Beogradit, ai citohet të ketë thënë se “respekton vendimin e Serbisë për të qenë shtet ushtarak neutral”, i cili, sipas mendimit të tij, të kontribuojë për paqen dhe stabilitetin në Evropë.

Në takimin ndërmjet tij dhe ministrit të jashtëm të Serbisë, Ivica Daçiq thuhet se është rënë dakord edhe rreth një takimi të Vladimir Putinit dhe Aleksandar Vuçiqit në fund të muajit, gjatë takimit në Pekin.

Ndërsa siç shkruajnë mediat ruse, Lavrov ka thënë se problemi i Kosovës, në vend të ultimatumeve, mund të zgjidhet vetëm duke afruar qëndrimet dhe me konsensus.

“Por unë përsëris, miqtë tanë serbë të marrin një vendim. Lidhur me presionin mbi Serbinë dhe duke kërkuar njohjen e pavarësisë së Kosovës, ky presion do të vazhdojë. Para së gjithash, SHBA dhe administrata e tanishme janë duke u përpjekur për të arritur sa më shumë sukses të politikës së jashtme të jetë e mundur për kohën më të shkurtër deri në zgjedhjet e ardhshme”, citohet të ketë thënë ndër tjerash Lavrov. /Telegrafi/