Kroacia nderon heroin Bekim Berisha me medaljen e artë “Urdhëri i Kryqit Kroat”

Presidenti i Republikës së Kroacisë, Ivo Josipovic, ka nderuar Bekim Berishën me medaljen e artë - “Kryqi i Kuq Kroat”.

Në një ceremoni solemne të organizuar në ambientet e Ministrisë së Mbrojtjes së Republikës së Kroacisë, me rastin e kremtimit të Fitores së Atdheut dhe Ditës e Falënderimeve të Mbrojtësve Kroatë, familjarët e Bekim Berishës, i njohur si AB-ja (Abeja), e kanë pranuar nga presidenti i Kroacisë, Ivo Josipovic, medaljen e artë “Urdhërin e Kryqit Kroat”, me motivacion “Kryqi i Kuq Kroat vlerëson se Bekim Berisha mbetet hero që nuk është harruar”.

Foto: Naile Demiri

“Unë jam i nderuar që këtë medalje në emër të presidentit Josipovic, mund ta dorëzojë në prag të ditës më të rëndësishme për të gjithë veteranët e luftës kroate. Këto çmime janë të merituara dhe është dashur të ndahen më parë”, ka thënë Predrag Matic, ministër i Mbrojtjes së Kroacisë.

Dekoratën e në emër të familjes së Bekim Berishës, e kanë pranuar motra Zyrafete Berisha-Tolaj dhe mbesa Bonita Tolaj.

Foto: Naile Demiri

Heroi i Kroacisë, Bekim Berisha, i lindur në Graboc të Pejës, më 15 qershor 1966, në Kroaci kishte arritur në gusht të vitit 1991 dhe që nga atëherë ai për 539 ditë ishte pjesëtar i rregullt i Ushtrisë kroate.

Heroi i Kosovës, Bekim Berisha – Abeja, strategu i UÇK-së, ishte vrasrë më 10 gusht 1998, në betejën e Junikut. /Telegrafi/