Kritikohet draftligji për shëndetësi, për shkak të vonesës s’ka shpresë që kalon në Kuvend
Drafti i projektligjit për Shëndetësi, i cili aktualisht është në konsultime paraprake, po kundërshtohet nga Odat e profesionistëve shëndetësorë, derisa jetësimi i tij përgjatë kësaj legjislature po konsiderohet si proces i pamundur për shkak të vonesave në hartimin e tij.
Ministri i Shëndetësisë, Arben Vitia u shpreh se aktualisht projektligji është në konsultime paraprake, të cilat më pastaj do t’i hapin rrugë procedimit në Kuvend.
“Ligji për Shëndetësinë tashmë është në konsultat paraprake do të vazhdojë me diskutimet publike dhe sapo të përfundojnë të gjitha këto procedura administrative, do të shkojë në Qeveri e pastaj do të procedohet në Kuvendin e Kosovës,” tha Vitia.
Por, drafti i këtij projektligji të rëndësishëm për shëndetësinë kosovare po kundërshtohet nga Odat e profesionistëve shëndetësorë me arsyetimin se po tentohet t’u merren kompetencat.
Kryetari i Odës së Fizioterapeutëve të Kosovës, Feim Gashi u shpreh se nuk janë aspak të kënaqur me draftin aktual.
Duke theksuar se nuk e dinë se kush e ka hartuar këtë draft, Gashi tha se kanë kërkuar qasje në dokumente zyrtare për të kuptuar se kush e ka bërë projektligjin për shëndetësi, pasi ata asnjëherë nuk janë ftuar.
Sipas Gashit, draft-ligji aktual nuk duhet të kalojë pasi ka vërejtje të shumta.
“Në kuadër te këtu drafti ne si Oda të profesionistëve shëndetësorë nuk jemi absolutisht të kënaqur për arsye se ka vërejtje prej anës tonë se fillimisht merren kompetencat e Odave të profesionistëve shëndetësorë, por nuk e ka as rolin e një shoqate, shoqatat janë më të vlerësuara në këtë draft ligj është propozuar nga ministria….merret kompetencat e licencimit, ri-licencimit, merret kompetencat e edukimit të vazhdueshëm të profesionistëve shëndetësor për te gjitha odat… Në bazë të këtij drafti këto kompetenca kalojnë në kuadër të Ministrisë së Shëndetësisë”, ka thënë Gashi.
Vonesat për hartimin e projektligjit për Shëndetësi nga partitë opozitare po konsiderohen të pajustifikueshme. Madje, ata nuk besojnë që ky projektligj do të vijë në Kuvend përgjatë legjislaturës së tetë. Deputeti nga radhët e PDK-së Bekim Haxhiu shprehet pesimist për ecurinë e këtij projektligji.
“Qeverisë i janë dashur 4 vite për ta projektuar një ligj shumë të dobët që nuk i përmbush nevojat e qytetarëve dhe shëndetësisë, shpresoj që gjatë diskutimit publik të ndryshohet edhe pse ky projektligj ishte qysh në agjendën legjislative 2021 2022, 2023 dhe 2024 dhe ende nuk ka ardhur në Kuvend kanë mbetur edhe dy muaj e gjysmë të Kuvendit dhe nuk besoj fare që ky projektligj të kalohet në këtë legjislaturë.
Është një projektligj jashtëzakonisht i dobët, shkruar në mënyrë të paqartë ku nenet brenda atij projektligji janë në kundërshtim me njëri-tjetrin, paragrafët brenda një neni kundërshtojnë njëri-tjetrin ka një përpjekje të ministrisë së Shëndetësisë që t’ua merr kompetencat odave të profesionistëve shëndetësor”, shprehet deputeti Haxhiu.
Edhe deputeti i Aleancës për Ardhmërinë e Kosovës, Shemsedin Dreshaj e konsideron të pajustifikueshme faktin që ende nuk ka ardhur për diskutim në Kuvend projektligji për Shëndetësi.
“Vërtet është iluzion të pritet një efikasitet sa i madh….Unë mendoj që ky ligj ka qenë dashur qysh në fillim të marrjes së mandatit kur flasim për shtatorin e vitit 2021 kur ka qenë në agjendë legjislative që të vijë në Kuvend, është e pajustifikueshme që ky ligj sot e kësaj dite nuk është i përpunuar dhe i funksionalizuar”, tha Dreshaj.
Gazetari i shëndetësisë, Bujar Vitia nënvizon që projektligji për Shëndetësi është dashur t’i prijë reformës legjislative në shëndetësi.
“Ligji për shëndetësi është kryesori sa i përket shëndetësisë në Kosovë dhe konsideroj se ka qenë baza kryesore për reformën në legjislacion në shëndetësi. Drafti i prezantuar nga Ministria e Shëndetësisë në diskutimet e brendshme është i vonuar për disa arsye e para se shumë akte nënligjore edhe ligje të tjera si me thënë i kanë paraprirë këtij drafti të ligjit të shëndetësisë, që do të duhej të ishte e kundërta”, tha ai.
Ligji për shëndetësi për herë të parë është votuar në Kuvend në vitin 2013. /KP/
Promo
Reklamo këtuLufta Prigozhin - Putin
Më shumëNga Rubrika
QKUK këtë muaj pritet të hapë konkurs për pozitat me ushtrues detyre
LSDM: Çdo ditë digjen vetura në Shkup, MPB e paaftë të gjej autorët dhe askush nuk merr përgjegjësi
Bekteshi: BDI nuk bëhet pjesë e qeverisë, respektojmë vullnetin e popullit e jo të ndonjë partie tjetër politike
Momenti kur kamioni devijon rrugën dhe përplaset me disa vetura në Veternik
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Emisari amerikan Kasanof bën thirrje për partneritet më efektiv me Kosovën
Aksident i rëndë në Veternik flasin nga Emergjenca e QKUK-së: Tetë persona janë duke u trajtuar
Uka: Nëse vërtetohen përgjimet, i bie që është cenuar siguria kombëtare
11 persona lëndohen në një aksident në Veternik, përfshihen 11 vetura dhe një kamion
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp