KQZ miraton numrin e kandidatëve për 11 majin: 46 mandate janë në listë të mbyllur

Komisioni Qendror i Zgjedhjeve ka miratuar projektvendimin për caktimin e numrit të kandidatëve për deputetë në listat shumëemërore, për çdo zonë zgjedhore, për zgjedhjet e përgjithshme që do të zhvillohen më 11 maj 2025.

Sipas këtij vendimi, numri total i kandidatëve për deputetë që do të paraqiten nga listat e partive politike do të jetë 186.

Nga këta kandidatë, 46 do të jenë në listë të mbyllur, çka do të thotë se nëse forca e tyre politike i siguron mandatin në qarkun ku kandidojnë, ata do të jenë automatikisht në parlamentin e ardhshëm.

Ndërkohë që pjesë e mbetur prej 140 kandidatësh do të jenë në listë të hapur.

Ata do të garojnë brenda listës për të siguruar një numër të lartë votash personale për të tejkaluar kolegët, në mënyrë që të fitojnë mandatin.

Ndarja e mandateve për secilin qark:

Qarku Berat, 7 mandate, 2 në listë të mbyllur
Qarku Dibër, 5 mandate, 2 në listë të mbyllur
Qarku Durrës, 14 mandate, 5 në listë të mbyllur
Qarku Elbasan, 14 mandate, 5 në listë të mbyllur
Qarku Gjirokastër, 4 mandate, 1 i renditur
Qarku Fier, 16 mandate, 5 në listë të mbyllur
Qarku Korçë, 10 mandate, 3 në listë të mbyllur
Qarku Kukës, 3 mandate, 1 i renditur
Qarku Lezhë, 7 mandate, 2 në listë të mbyllur
Qarku Shkodër 11, 4 në listë të mbyllur
Qarku Tiranë, 37 mandate , 12 në listë të mbyllur
Qarku Vlorë 12, 4 në listë të mbyllur