Kozniku bën krahasimin e Kroacisë së tanishme dhe asaj që zuri vendin e tretë në ‘Franca 1998’

Ish-futbollisti shqiptar, Ardian Kozniku, ka qenë pjesë e gjeneratës së artë të Kroacisë, e cila e zuri vendin e tretë në Kampionatin Botëror, ‘Franca 1998’.

Ylli i dikurshëm i Prishtinë, Hajdukut të Splitit dhe Dinamos së Zagrebit, është lidhur me Skype në emisionin Dueli Botërorit që transmetohet në RTV Dukagjini.

Një nga pyetjet që iu drejtua nga trajneri dhe analisti, Ismet Munishi, ishte që të bënte një krahasim ndërmjet ekipit të Kroacisë në vitin 1998 dhe asaj aktuale, e cila u kualifikua në çerekfinale të Kampionatit Botëror, pas triumfit me penallti kundër Danimarkës.

Lexo po ashtu Lajmet nga DUELI BOTËRORIT

Sipas Koznikut, ekziston një dallim i madh ndërmjet futbollit që është zhvilluar atëherë dhe lojës që po zhvillohet tani, kur kihet parasysh se janë dy dekada diferencë.

Ai i ka lëvduar të dyja gjeneratat duke thënë se edhe ekipi aktual është jashtëzakonisht i fuqishëm.

https://www.youtube.com/watch?v=Z_-EeTAZfKk&feature=youtu.be

Ardian Kozniku ka qenë shqiptari i parë që ka marrë pjesë në një Kampionat Botëror dhe e ka fituar medaljen e bronztë, edhe pse nuk ka luajtur.

Në vitin 1998, Kroacia u eliminua në gjysmëfinale nga Franca (2-1), ndërsa në ndeshjen për vendin e tretë e mposhti Holandën (2-1). /Telegrafi/

https://www.youtube.com/watch?v=Evj0Ja-snQY