“Më kontaktoni”, Yarmolenko tallet me Ronaldon dhe Pogban duke reklamuar shishet e pijeve Coca-Cola dhe Heineken në konferencë shtypi

Andriy Yarmolenko i është bashkuar ‘lojës’ dhe ka argëtuar gazetarët e pranishëm në konferencë, por edhe shikuesit duke kërkuar punë nga Coca-Cola dhe Heineken, pasi shishet e këtyre dy kompanive u larguan nga Cristiano Ronaldo dhe Paul Pogba.

Kapiteni i Portugalisë, Ronaldo, doli në titujt kryesorë të Euro 2020 në fillim të kësaj jave, kur largoi dy shishe Coca-Cola nga tavolina e tij gjatë një konference shtypi.

Reagimi i yllit portugez thuhet se i kushtojë kompanisë së njohur plot 4 miliardë humbje, por kjo nuk është se i ndikoi edhe aq shumë, pasi ata deklaruar se “të gjithë mund të pinë çfarë të duan”.

Lexo po ashtu “Të gjithë kanë të drejtë të pinë çfarë duan”, Coca-Cola reagon pas ‘skandalit’ të Ronaldos

Disa ditë më vonë, Paul Pogba bëri të njëjtën gjë duke larguar shishen e birrës Heineken nga tavolina, pasi ai njihet si një mysliman praktikues i devotshëm.

Megjithatë, jo të gjithë lojtarët dhe trajnerët janë në të njëjtën linjë sa i përket pijeve, çofshin të gazuara, energjike apo alkoolike.

Kapiteni i Ukrainës, Yarmolenko ka pushtuar rrjetet sociale së fundmi pasi është dukur të tallet me yllin e Juventusit në paraqitjen e tij të fundit para mediave në konferencën për shtyp.

Yarmolenko duke qeshur ka përqafuar mundësinë për të ndihmuar në reklamimin e pijeve Coca-Cola dhe Heineken, pasi ndihmoi Ukrainën të mundë Maqedoninë e Veriut me rezultat 2-1, ku ishte edhe golashënues.

Lexo po ashtu Nainggolan tallet me Ronaldon dhe Pogban, pasi këta dy larguan shishet e pijeve në konferencë shtypi

“A mund të bëj diçka? Kam parë Ronaldon duke hequr shishe e Coca-Colas kohët e fundit”.

“Do të vendos Coca-Colan këtu, do ta vendos Heinekenin menjëherë përpara! Djelmosha, më kontaktoni!”, ishin fjalët e Yarmolenkos së vet ofruar për punë.

Lexo po ashtu Përzgjedhësi i Rusisë, Cherchesov ironizon me Cristiano Ronaldon – e hap dhe pi Coca-Cola në konferencë për shtyp

Ndryshe, së fundmi edhe mesfushori i Italisë, Manuel Locatelli dhe përzgjedhësi i Rusisë, Stanislav Cherchesov u bënë pjesë e ‘kampanjës.

Locatelli e largoi shishen sikurse Ronaldo, ndërsa Cherchesov mori një Coca-Cola, e hapi dhe e piu atë gjatë konferencës. /Telegrafi/

"I’m taking Coca-Cola, I'm taking Heineken. Get in touch with me!” 😅@CocaCola, @Heineken, Andriy Yarmolenko wants to speak to you! 🤝#EURO2020 | #UKR pic.twitter.com/ma8hliC6Lg

— GOAL (@goal) June 17, 2021

'Please contact me, Coke and Heineken!'

Yarmolenko is all of us 😂

(🎥: @EURO2020) pic.twitter.com/Bm3HcVC7Tq

— B/R Football (@brfootball) June 17, 2021

Luani dhe fitoni shpërblime këtu >

Më shumë lajme nga kampionati Euro 2020 >
—