Komandanti vret veten me pistoletë zyrtare – pak metra larg portës së hyrjes së një burgu në Serbi

Një komandant i shërbimit të sigurimit (48) ka ndërruar jetë në spitalin e Valjevës, Serbi, pasi ka qëlluar veten me pistoletë shërbimi.

Sipas mediave të huaja, përcjell Telegrafi, ngjarja ka ndodhur herët në mëngjes, pak metra larg portës së hyrjes së burgut, ku ishte i punësuar.

Kolegët e tij menjëherë thirrën një ambulancë, pas së cilës mjekët kaluan orë të tëra duke u përpjekur për të rivendosur parametrat jetikë.

Mjekët e spitalit të Valjevës, pas disa orësh luftimesh për t’i shpëtuar jetën, kanë mundur të deklarojnë fatkeqësisht se ai kishte ndërruar jetë.

Për këtë ngjarje, në zbatim të procedurës ligjore, instituti ka njoftuar policinë, e cila ka kryer hetimet.

Komandanti i lartë S.S. thuhet se në fund të vitit të kaluar ka kaluar të gjitha testet e nevojshme psiko-fizike për të kryer detyrat e caktuara të punës.

“Theksojmë se siguria e punonjësve dhe personave të privuar nga liria nuk është kërcënuar në asnjë moment”, është thënë në një njoftim.

Siç bëhet e ditur, ai ka lënë pas gruan dhe dy fëmijët. /Telegrafi/