“Klubi i vetëm në botë që nuk ka para dhe kryen transferime” – Nagelsmann nuk e di se si ia bën Barcelona

Trajneri i Bayern Munichut, Julian Nagelsmann, ka vënë në shënjestër Barcelonën pas konfirmimit të transferimit të Robert Leëandoëski te gjiganti spanjoll.

Sulmuesi 33-vjeçar u konfirmua si lojtar i Barcelonës të martën në mbrëmje pas disa javësh spekulimesh.

Prej disa kohësh mendohej se nuk kishte asnjë mundësi që Barcelona të arrinte të siguronte një marrëveshje për sulmuesin polak, me klubin që thuhet se ishte në borxh që shkonte mbi 1 miliard euro.

Lexo po ashtu “El Pais”: Barcelona dhe Bayerni gënjyen për çmimin e Lewandowskit

Sidoqoftë, Barcelona arriti të merrte njeriun e saj dhe si rezultat Nagelsmann vuri në dyshim se si klubi ishte ende në gjendje të futej në treg për shkak të gjendjes së tyre aktuale financiare.

“Është i vetmi klub në botë që nuk ka para, por më pas blen të gjithë lojtarët që duan. Nuk e di si e bëjnë. Është pak e çuditshme, pak e çmendur”, deklaroi ai kur u pyet për transferimin.

Lexo po ashtu Aubameyangun e 'tradhton' shikimi kur e sheh Lewandowskin - tifozët mendojnë se gabonezi është "dorëzuar" tashmë

Problemet financiare të Barcelonës arritën në një fazë të tillë në fillim të kësaj vere saqë ata nuk ishin në gjendje të regjistronin Franck Kessien dhe Andreas Christensen, dy lojtarë të transferuar si të lirë nga Milani dhe Chelsea, respektivisht.

Klubi aktualisht është i detyruar nga rregulloret e La Ligës që përcaktojnë se klubi mund të shpenzojë vetëm 1 milion euro për çdo 4 milionë euro që liron. /Telegrafi/